Friday , October 23 2020
Breaking News
You are here: Home / Showbiz / Regine Velasquez, naka-P4.2-M sa isang gabing online concert
Regine Velasquez, naka-P4.2-M sa isang gabing online concert

Regine Velasquez, naka-P4.2-M sa isang gabing online concert

IBA talaga kapag Regine Velasquez ang nag-concert. Mapa-entablado o bahay, masa-satisfy ang sinumang manonood sa kanya. Ito ang nangyari sa katatapos ng kanyang birthday concert, ang One Night With Regine noong Sabado ng gabi, April 25.

 

Nagsimula ang online concert niya sa Facebook bandang 8:00 p.m. na kung ilang libo agad  ang tumutok. At bago pa simulant ay nakalikom na siya agad ng P1,450,000 mula sa mga kaibigan at sponsor.

 

Aminado si Regine na kinakabahan siya sa online concert niyang iyon na all throughout eh nakaupo lamang siya. Pero naging maganda pa rin ang paghahatid niya ng magagandang awitin.

 

Simula pa lang overwhelming na ang kinanta niya tulad ng Somewhere Over The Rainbow at With A Smile. At medyo naiyak ang singer/aktres pagkatapos awitin ang Mahal Ko O Mahal Ako dahil nag-donate si Sharon Cuneta ng P1-M. Sobrang na-touch siya sa ginawang ito ng kanyang Ate Sharon.

 

Nakatutuwa ang duet nila ng kanyang anak na si Nate  at ang pinakapaborito naming ay ang duet nila ni Lea Salonga sa awiting I Don’t Know How To Love HimWhat I Did For Love, at Someone Like You.

 

Inabot ng tatlong oras ang concert at sa kabuuan, nakalikom si Regine ng P4,259,839 na ang beneficiary ay ang Bantay Bata 163.

SHOWBIZ KONEK
ni Maricris Valdez Nicasio

 

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top