Friday , June 5 2020
Breaking News
You are here: Home / Showbiz / Gown designer Michael Leyva, nagpatulong kay Angel sa pamamahagi ng PPEs
Gown designer Michael Leyva, nagpatulong kay Angel sa pamamahagi ng PPEs

Gown designer Michael Leyva, nagpatulong kay Angel sa pamamahagi ng PPEs

PUWEDENG mag-feeling ramp model o celebrity ang mga frontliner at mapapalad na makatatanggap ng face masks at mga kasuotang pang-iwas na madampian ng corona virus na idinisenyo ni Michael Leyva, isa sa mga sikat na designer-to-the-stars dito sa bansa.

‘Di lang idinisenyo ni Michael ang mga ido-donate n’yang personal protective equipment (PPEs). Pati ang tumahi ng mga ito ay ang mga tauhan n’yang nananahi ng mga gown ng mga celebrity na gaya nina Anne Curtis, Bea Alonzo, Charo Santos, Nadine Lustre, at Kris Aquino. Naitanghal na rin ang mga disenyo n’yang gown sa Russia at sa iba pang bansa.

Pahayag ni Michael sa Instagram n’ya kamakailan: “We are one with this. #teammichaelleyva will be donating PPEs, head covers and masks for our heroes #frontliners. 

“Mabuhay po kayo at salamat sa dedikasyon at pagmamahal sa ating bayan. This wouldn’t have been possible without my team’s dedication and willingness to help.”

Kalakip ng Instagram n’ya ang ilang litrato ng mga mananahi sa kanyang patahian na abala sa paggawa ng PPEs. ‘Di n’ya binanggit kung nasaang lugar ang malaking patahiang iyon.

Samantala, nagpatulong naman siya kay Angel Locsin  sa pamamahagi ng ginawa niyang PPEs sa mga medical worker. Nakalagay iyon sa isang bag na mayroong Bible verse..

Ani Leyva, “Sent over our first sets of PPEs for our heroes frontliners with our hero Darna herself Angel Locsin. I decided to put bible verses and words of encouragement to uplift their day. Mabuhay po kayo and Maraming salamat po sa malasakit.”

Bago namahagi si Leyva, marami-rami na rin namang fashion designers ang nag-donate ng PPEs para sa COVID-19 frontliners sa bansa. Kabilang sa mga ito sina Mich Dulce, Steph Lim, Patrice Ramos Diaz, Rajo Laurel, Patty Ang, at Puey Quinones. 

Maging ang beauty doctor na si Vicki Belo ay nakapagpadala na rin ng PPEs sa mga ospital at sa mga pulis na nakatoka sa mga checkpoint sa Luzon.

Sabay sa pagdo-donate nila ay ang pagpapapaalala sa mga mamamayan na maging maingat, alagaan ang kanilang mga sarili at mga mahal sa buhay, sundin ang lahat ng instruksiyon ng health authorities (lalo na ang pananatili sa loob ng bahay kundi naman kailangang lumabas), pati na ang patuloy na pananalig sa proteksiyon ng Diyos.

Nawa’y dumami pa ang fashion designers na magboboluntaryong gumawa ng libo-libo pang PPEs habang ‘di pa nasasawata ang bilang ng pasyente ng COVID-19 sa bansa.

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top