Friday , March 29 2024

Sa Project Ugnayan… P1.5-B mula sa grupo ng 20 negosyante tinipon para sa maralita ng Metro Manila

BILANG tugon sa COVID-19 crisis, tinipon ng 20 nangungunang grupo ng mga negosyante ang mahigit P1.5 bilyong pondo upang mamahagi ng grocery vouchers sa mga maralitang lungsod sa Metro Manila.

Layon ng “Proyektong Damayan” na mabigyan ng P1,000 gift certificates ang mahigit isang milyong sambahayan sa mga maralitang komunidad sa Kalakhang Maynila, ayon sa isang online na pahayag.

“Ang Proyektong Ugnayan ay sama-samang pagkakaisa ng mga grupong negosyante upang tulungan ang mga apektadong maralitang pamilya sa ilalim ng ipinatutupad na Enhanced Community Quarantine sa Metro Manila.”

“Ang mga gift certificate ay ihahatid sa pinto ng bawat sambahayan at maipagpapalit para sa pagkain sa mga malalapit na grocery o supermarket.”

“Sa panimula ay makikipagtulungan kami sa ‘Proyektong Damayan’ ng Caritas Manila at programang ‘Pantawid ng Pag-ibig’ ng ABS CBN para sa kada pintong pamamahagi ng mga grocery vouchers na maaaring ipagpalit ng pagkain sa mga nakalaang pamilihan. Ang pamamahagi ay isinasagawa na ngayon sa apat na mga pangunahing lugar at pararamihin pa ang saklaw na mga lugar sa tulong ng mga kaagapay na grupo.”

Nakikiisa at sumusuporta sa proyekto ang mga sumusunod na grupo ng negosyo: Aboitiz Group, ABS-CBN/Lopez Group, Alliance Global/Megaworld, AY Foundation and RCBC, Ayala Corporation, Caritas Manila, Century Pacific, Concepcion Industrial Corp., DMCI, Gokongwei Group of Companies/Robinsons Retail Holdings, ICTSI, Jollibee, Leonio Group, Mercury Drug, Metrobank/GT Capital, Nutri-Asia, Oishi/Liwayway Marketing Group PDRF, PLDT/Metro Pacific Investments Corporation, Puregold, San Miguel Corporation, at SM/BDO, Sunlife of Canada, Suyen Corp.

Sinabi rin ng grupo na patuloy ang pakikipag-usap sa iba pang mga kompanya na nagpahiwatig ng kanilang intensiyong madagdagan pa ang pondo upang mapalawak ang matutulungan ng proyekto.

Ayon naman kay Fr. Anton C. Pascual, Executive Director ng Caritas Manila, “Kami ay nagpapasalamat sa mga negosyanteng sumusuporta sa Project Ugnayan at umaasa na ang inisyatibang ito ay magdudulot ng higit pang maraming kabutihan at tulong sa panahong ito ng krisis. Ito ay panahon para magkaisa at magtulungan ang lahat.

“Itinuturo ng kasalukuyang pambansang krisis pangkalusugan na ipatupad ang isang pangkalahatang perspektiba upang ang bawat sektor ng lipunan ay makapag-ambag tungo sa pag-agapay sa mahihirap nating kababayan.”

 

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *