Saturday , April 11 2020
Breaking News
You are here: Home / News / Mag-ama arestado sa pagbebenta ng pekeng gamot sa COVID-19
Mag-ama arestado sa pagbebenta ng pekeng gamot sa COVID-19

Mag-ama arestado sa pagbebenta ng pekeng gamot sa COVID-19

ARESTADO ng mga awtoridad ang mag-ama sa isinagawang entrapment operation sa online selling ng mga pekeng gamot sa COVID-19 sa Navotas City, kamakalawa ng hapon.

Kinilala ni Northern Police District (NPD) director P/BGen. Ronaldo Ylagan ang mga naarestong suspek na kinilalang sina Ismael Aviso, Sr., at Ismael Aviso, Jr., kapwa residente sa Brgy. North Bay Boulevard South (NBBS).

Dakong 3:30 pm, bago maaresto ang mga suspek, unang nakipag-ugnayan ang mga tauhan ng Philippine National Police Regional Anti-Cybercrime Unit-1 sa pangunguna ni P/Col. Julius Suriben sa NPD at Navotas City Police sa ilalim ng pangangasiwa ni P/Col. Rolando Balasabas para sa isasagawang buy bust operation laban sa mag-ama sa Dagat-Dagatan, Brgy. NBBS.

Nabatid na nakatanggap ng impormasyon ang mga awtoridad na nagbebenta umano sa online ang mga suspek ng pekeng gamot sa COVID-19.

Nang tanggapin ng mga suspek ang P7,500 marked money mula sa isang nagpanggap na poseur-buyer kapalit ng pekeng gamot at spray products ay agad silang sinunggaban ng mga pulis.

Ayon kay Ylagan, bukod sa pagbebenta ng pekeng ‘gamot’ sa COVID-19, sasampahan din ng kaso ang mga suspek dahil sa pagpo-post ng maling impormasyon ukol sa kanilang huwad na produkto. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top