Wednesday , June 3 2020
Breaking News
You are here: Home / News / Virtual press briefing ipatutupad ng Palasyo
Virtual press briefing ipatutupad ng Palasyo

Virtual press briefing ipatutupad ng Palasyo

VIRTUAL press briefing ang idaraos ni Pre­sidential Spokesman Salvador Panelo sa Mala­cañang Press Corps simula ngayon.

Inihayag ito ng Office of the Presidential Spokes­person kahapon.

Ibig sabihin, hindi na kailangan magpunta ni Panelo sa Malacañang bagkus ay maaaring sa kanyang bahay na lamang makapanayam sa pamamagitan ng video call.

Naging kapansin-pansin na nakasuot na rin ng face mask si Panelo nang humarap sa mga miyembro ng MPC kahapon sa press briefing sa Palasyo.

Paliwanag ni Panelo, wala naman siyang pro­blema bagama’t napa­­paubo siya paminsan-minsan at ang pag­susuot ng face mask ay bahagi ng pre-emptive measure upang makatiyak din naman na walang tata­maan ng virus sa sandaling may lumabas sa kanyang bibig.

Ipinatupad mismo sa hanay ng MPC ang social distancing na isang paraan para makaiwas sa kinatatakutang COVID-19.

Sa regular press briefing na isinagawa sa Palasyo, one seat apart ang naging set up sa upuan ng mga mama­mahayag para iobserba ang kailangang dis­tansiya sa isa’t isa.

Ganoon pa man, hindi naging ganap na pulido ang social distancing sa press briefing area mata­pos mapansing walang distansiyang nakita sa hanay ng TV crew dahil na rin sa limitadong espasyo sa kanilang puwesto.

Hindi binanggit kung ang virtual press briefing ay may kinalaman sa kalusugan ni Panelo o sa kanyang pahayag na “walang namamatay sa gutom.”

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top