Friday , April 10 2020
Breaking News
You are here: Home / News / Umiinom sa kalsada… Mag-utol pumalag, pulis ‘tinakot’ na isusumbong kay Tulfo, arestado
Umiinom sa kalsada… Mag-utol pumalag, pulis ‘tinakot’ na isusumbong kay Tulfo, arestado

Umiinom sa kalsada… Mag-utol pumalag, pulis ‘tinakot’ na isusumbong kay Tulfo, arestado

HINDI nagpatinag ang isang kagawad ng puli­sya sa pananakot na isu­sumbong siya sa Tulfo brothers sa ginawang pagdakip sa magkapatid kamakalawa ng gabi sa Navotas City.

Ayon kay Navotas police chief P/Col. Rolan­do Balasabas patungo sa Navotas Police Com­munity Precinct (PCP) 4 si P/SSgt. Mar Arrobang dakong 9:30 pm upang magsimula sa kanyang tungkulin bilang shift supervisor.

Nadaanan ni P/SSgt. Arrobang sa kahabaan ng Bacoco St., Brgy. NBBS-Kaunlaran si Rolan Bulyag, 37 anyos, walang hanapbuhay, residente sa Blk 38 Lot 3 Bacoco St., na umiinom ng alak sa kalye.

Dahil labag sa umiiral na ordinansa, sinita ng pulis si Bulyag, pero nagalit ang suspek at nan­laban hanggang human­tong sa kanilang pam­bubuno.

Nakita ng nakaba­batang kapatid ni Bulyag na si John, 23 anyos, ang insidente pero imbes awatin ang kapatid sa panlalaban sa pulis, inakusahan niya ng harassment o panggigipit si P/SSgt. Arrobang at binantaang isusumbong kay Tulfo.

Imbes masindak, kapwa inaresto ni P/SSgt. Arrobang ang magka­patid na nahaharap ngayon sa mga kasong direct assault, unjust vexation at resistance and disobedience to person of agents in authority sa Navotas City Pro­secutor’s Office. (R. SALES)

About Rommel Sales

Leave a Reply

Your email address will not be published. Required fields are marked *

*

Scroll To Top