Sunday , July 5 2020
Breaking News
You are here: Home / Hataw Lifestyle / Chicharon Festival, idaraos sa Sta. Maria
Chicharon Festival, idaraos sa Sta. Maria

Chicharon Festival, idaraos sa Sta. Maria

BILANG huling hirit sa buwan ng Pebrero, idaraos sa bayan ng Sta. Maria, sa lalawigan ng Bulacan ang ika-13 Chicharon Festival sa 29 Pebrero na taon-taong ginaganap sa nasabing bayan.

Ang taunang Chicharon Festival ay idinaraos bilang huling bahagi ng pagdiriwang ng kapis­tahan ng Patron ng Sta. Maria, ang Immaculate Concepcion na ginaganap tuwing unang Huwebes ng Pebrero.

Sa pagdiriwang ng naturang okasyon, magpapakita ang mga manggagawa ng chicharon ng kanilang produkto sa iba’t ibang yari, laki at hugis.

Magkakaroon din ng cooking festival ukol sa paggawa ng chicharon na kapapalooban ng mga bago at iba’t ibang recipe.

Dahil kilala ang Sta. Maria sa chicharon, mayroon itong malagong agri-based industry na nakapokus sa poultry at hog raising.

Pangunahing pinanggagalingan ang mga swine farms ng baboy na ang mga balat nito ay ginagawang malulutong na chicharon.

Natunton ang orihinal at pinakaunang gumawa ng chicharon sa Sta. Maria kay Pacita dela Torre-Tuazon, na imbes itapon ang mga tira-tirang balat ng mga kinatay na baboy ay ginawa niyang chicharon saka ibinenta hanggang lumago at gumaya na rin ang ilan niyang kapitbahay.

Dito lalong nakilala ang Sta. Maria at dumarami pa ang mga recipe ng chicharon na kanilang naiimbento tulad ng chicharon steak, chicharon bituka, chicharon laman, chicharon bulaklak, chicharon bilog at marami pang iba.

Ang pagdiriwang ng Sta. Maria 13th Chicharon Festival sa 29 Pebrero ay pangungunahan nina Mayor Yoyoy Pleyto at Vice Mayor Ricky Buenaventura. (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top