Tuesday , March 31 2020
Breaking News
You are here: Home / Opinion / Sex trade hindi uubra kay Mayor Abby Binay. How about Parañaque?
Sex trade hindi uubra kay Mayor Abby Binay. How about Parañaque?

Sex trade hindi uubra kay Mayor Abby Binay. How about Parañaque?

BILIB tayo kay Makati city mayor Abby Binay. Sabi nga ng mga batang dekada ’70, “bebot pero may balls.”

Aba, mantakin n’yo ba namang mula nang ideklara niyang ‘walang puwang ang sex trade o prostitusyon sa Makati ‘e sunod-sunod na ipinasara ng Bureau of Permits and Licensing Office (BPLO) ang 16 establishments dahil sa iba’t ibang paglabag kabilang ang apat na sinasabing front ng prostitusyon.             

Ipinasara ang 88 Hotel at ang Master Han Reflexology Spa, sa Barangay Poblacion, dahil nagsisilbi umanong sex den.

Ang AGBL Wellness Spa sa Poblacion at Pentagon SPA sa Bangkal ay na-padlocked. Ang iba sa kanilang attendants ay naaresto dahil sa pag-aalok ng “extra service” sa spa customers at ang matindi nangingikil pa sa kanilang foreign customers.

Nitong nakaraang Sabado, nasagip ng Makati police ang sinabing 24 sex workers sa Edison Cafe, isang computer shop sa Barangay San Isidro.

Mantakin ninyo, kailangan pang maging isang babae ang mayor sa Makati para mapasadahan ang sikat na ‘Edison’ kung sex den ang pag-uusapan?!

Sabi nga, bata pa si Sabel, ang ‘Edison’ ay sikat nang pugad ng mga ‘casa’ o sex dens.

Sa Parañaque kaya, kailan magkakaroon ng ‘balls’ si Mayor Edwin Oliveros para ipasara ang sikat na Airforce One na kilalang-kilalang club at spa na may ‘espesyal na serbisyo’ kaya dinarayo?

‘Yung KTV bars/clubs sa Pasay City along FB Harrison gaya ng Ms. Universal?!

Hindi kaya alam ng mga awtoridad na riyan sa  Ms. Universal habang lumalalim ang gabi’y unti-unti naglalaglagan ang mga damit ng mga babaeng nagsasayaw sa napakalawak na entablado?!

Bukod pa riyan ang mga namamayagpag na KTV bars/clubs sa Macapagal Blvd.

South metro mayors, si Mayor Abby lang ba ang may ‘balls’ para walisin ang prostitusyon sa kanilang lungsod?!

How about Pasay and Parañaque?!

Pakabog naman kayo!

BAYANI NA NGA
BA SI CHIONG?

DAMANG-DAMA ang pasabog ni Madam Senator Risa Hontivirus ‘este Hontiveros sa ginawa niyang ‘pastillas’ revelation sa senate hearing.

Mula sa isyu ng POGO patungong prostitusyon involving Chinese women ay bigla itong nauwi sa “pastillas scheme” na ikinagulantang ng mga opisyal ng Bureau of Immigration (BI).

Ewan lang natin kung noong una pa man ay aware na si Madam Senator na puro “throwback” o recycled ang mga ebidensiya na kanyang iprenesinta sa hearing?!

Ang pagkaalam natin ay 2018 pa ang mga larawan na kanyang ginamit na makikita ang mga sandamakmak na sobre na nakalagay sa drawer ng immigration officers.

Noon pa man ay ito na rin ang ebidensiya na inilabas ng isang katoto natin sa media na si Mon Tulfo at noon din ay agad inaksiyonan ni Commissioner Jaime Morente ang nasabing isyu kaya agad sinibak ang mga opisyal ng Port Operations Division (POD) noon bukod pa sa ipinataw sa kanila na kasong administratibo.

It’s a big injustice kumbaga sa ilang kasalukuyang airport officials na sila ay tamaan ng immediate revamp gayong sila rin ang naglinis ng mga kalat na kanilang dinatnan.

Long before this ‘expose’ nagkaroon na rin ng mga bagong reporma sa BI-NAIA kasama rito ang paglalagay sa Travel Control and Enforcement Unit (TCEU) at Border Control and Intelligence Unit (BCIU) sa ilalim ng Office of the Commissioner ni Morente.

Dating nasa pamamahala ng POD ang nasabing units. Ginawa ito ni Morente upang siguruhin na may check and balance between the OCOM and POD.

Sa ganitong sistema ay maiiwasan din na magkaroon ng connivance ang Primary Inspectors sa counters at TCEU na tumatayong secondary inspectors.

Nakatatawa, sa totoo lang na sa dinami-rami ng mga kukuning “star witness” o ‘wishtleblower’ ni Hontiveros ay si IO Chiong-ky ‘este Chiong pa ang kanyang napili?!

Paano magiging credible witness ang kolokoy samantala kuwestiyonable ang kanyang kredibilidad?

Si Chiong-go ‘este Chiong na isa rin daw notoryus na tirador sa BI-NAIA at miyembro ng “pastillas operation” na ‘yan ay para lang batang inagawan ng kendi kaya panay ang kuda ngayon?!

In short, pera ang pinag-awayan mula sa weekly partihan ay naging monthly o mahigit pa.

Mula sa malaking partihan ay naging maliit na ang partihan nila?!

Sa tingin kaya ni Chiong ay ‘bayani’ ang magiging tingin sa kanya dahil sa ginawa niya?

Ang alam natin second generation ‘makapili’ or collaborator ang tawag sa ganyang klaseng mga nilalang.

Noong panahon ni Kristo ang tawag sa ganyan ay… HUDAS!

Natupad din ang matagal na niyang banta sa kanyang mga kasamahan sa immigration sa airport, na tatablahin at pare-pareho na silang mawawalan ng delihensiya.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top