Thursday , April 9 2020
Breaking News
You are here: Home / Showbiz / SUNTOK SA TALA: Matteo, sinuntok ang bodyguard ni Sarah sa kanilang kasal
SUNTOK SA TALA: Matteo, sinuntok ang bodyguard ni Sarah sa kanilang kasal

SUNTOK SA TALA: Matteo, sinuntok ang bodyguard ni Sarah sa kanilang kasal

SINUNTOK at tinamaan sa leeg ni Matteo Guidicelli ang bodyguard ng kanyang asawa na ngayong si Sarah Geronimo, na nagpakilalang si Jerry Tamara y Cortez, 31, at naninirahan sa 1000 Mindanao Avenue Quezon City. Ito ay ayon sa sumbong na ginawa ni Tamara sa presinto 7 ng Taguig Police.

Habang idinaraos umano sa Shangrilla Hotel sa BGC ang kasal na sibil nina Sarah at Matteo, dumating ang ina ng singer aktres at ipinatigil ang kasal, at humingi ng ilang sandali para makausap muna ang anak. Sinabi ng ina ni Sarah na wala silang alam na magpapakasal na ang kanilang anak noong Huwebes ng gabi.

Sa pangyayaring iyon, hinarap umano ni Matteo si Tamara at sinuntok ito dahil sa bintang na iyon ang nagsumbong sa nanay ni Sarah ng tungkol sa sikretong kasal.

Tumakbo sa ospital si Tamara para kumuha ng medical certificate ng nangyari sa kanya, at tapos ay tumuloy sa pulisya ng Taguig at ginawa ang report. Hindi muna nagpahayag ng kahit na ano si Tamara habang nag-iisip pa kung ihahabla si Matteo. Kung sakali, si Matteo ay mahaharap sa kasong physical injuries.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top