Friday , March 29 2024
Philippine Drug Enforcement Agency PDEA

2 tulak ng ‘injectable shabu’ online huli sa PDEA

DINAKIP ang dalawang nagbebenta ng mga liquid o injectable shabu sa online ng mga ahente ng Philippine Drugs Enforcement Agency (PDEA) sa isinagawang buy bust operation sa Brgy. Highway Hills, Mandaluyong City, nitong Huwebes ng madaling araw.

Kinilala ni Philippine Drug Enforcement Agency (PDEA) Special Enforcement Service Director Levi Ortiz, ang mga naarestong suspek na sina Mark Kenneth del Rosario San Juan, alyas Xtian, at Jeffrey Villarin Saclao, kapwa nasa hustong gulang, at mga residente sa Makati City.

Sa ulat ng PDEA, dakong 12:10 am nitong 20 Pebrero nang ikasa ng PDEA ang buy bust sa bisinidad ng isang fast food chain sa Guevarra St., Brgy. Highway Hills.

Nakabili ang undercover agent ng PDEA mula sa mga suspek ng limang piraso ng heringgilya na naglalaman ng liquid shabu, nagkakahalaga ng P10,000 kaya’t agad silang inaresto.

Nakompiska sa mga suspek ang isang pirasong transparent plastic sachet ng shabu na may street value na P13,600; 26 pirasong heringgilya na naglalaman ng liquid shabu, may sukat na 10.4 milliliters at tinatayang may street value na P52,000; at isang pirasong sterile water bottle, digital weighing scale at marked money.

Modus operandi ng mga suspek ang magbenta sa social media ng droga kabilang ang injectable shabu.

Ipinakikita ng dalawa sa kanilang mga parokyano, sa pamamagitan ng demo, kung paano gamitin ang injectable shabu.

Ang mga suspek, na nakapiit sa PDEA office, ay sasampahan ng mga kasong paglabag sa Republic Act 9165 o The Comprehensive Dangerous Drug Act of 2002 sa piskalya.

(ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *