Thursday , April 9 2020
Breaking News
You are here: Home / Showbiz / Jane, dahilan ng hiwalayang RK at GF?
Jane, dahilan ng hiwalayang RK at GF?

Jane, dahilan ng hiwalayang RK at GF?

DAHIL sa pag-amin ni RK Bagatsing na hiwalay na sila ng non-showbiz girlfriend niya ay si Jane Oineza na leading lady niya sa pelikulang Us Again ang itinuturong dahilan.

Sa nakaraang mediacon ng pelikulang produce ng Regal Entertainment ay nabanggit ni RK na hiwalay na sila ng girlfriend at wala siyang nililigawan.  Gusto muna niyang mag-focus sa career.

Hindi ito masyadong napag-usapan dahil ayaw ng aktor na magamit ang break-up nila sa promo ng Us Again at bilang respeto na rin kay Jane na single rin ngayon.

Pero sa guesting ni RK sa Tonight with Boy Abunda ay hindi niya nagawang iwasan ang tanong at muling inulit na si Jane ang dahilan ng split-up.

Ang kuwento ng aktor, “As far as I’m concerned, walang third party. We care about each other so much. Nag-usap kami nang maayos. We just couldn’t bring it back to what it used to be.”

Sa kabilang banda ay hindi alam ni Jane na siya ang dahilan kaya nahiwalay si RK sa girlfriend nito kaya good thing na nilinaw ito ng leading man niya.

Sa trailer ng Us Again ay bagay ang dalawang bida kaya isa kami sa nakikitukso sa kanila ni Jane pagkatapos ng mediacon at natatawa lang sila dahil hindi naman nila isinasara ang pintuan nila pagdating ng araw, pero sa ngayon ay super friends sila at maganda ang samahan nila.

Kapag parehong single ay hindi ba sila nadadala sa mga maiinit nilang eksena sa pelikula?  Ngiti lang ang sagot ng dalawa.

Anyway, abangan ang Us Again sa Pebrero 26 sa mga sinehan nationwide mula sa direksiyon ni Joy Aquino handog ng Regal Entertainment.

FACT SHEET
ni Reggee Bonoan

 

 

About Reggee Bonoan

Leave a Reply

Your email address will not be published. Required fields are marked *

*

Scroll To Top