Tuesday , March 31 2020
Breaking News
You are here: Home / Showbiz / Dess Razal, natupad ang pangarap maging artista sa Depression
Dess Razal, natupad ang pangarap maging artista sa Depression

Dess Razal, natupad ang pangarap maging artista sa Depression

SOBRA ang kagalakan ng baguhang young actress na si Dess Razal. Mapapanood siya sa pelikulang Depression ng AAGS Movie Production mula sa pamamahala ni direk James Merquise.

Nagkuwento ang 16 year old na si Dess kung paano siya nabigyan ng break sa showbiz. “Sa totoo lang po, first time ko po magkaroon ng project sa AAGS Movie Production, kay direk James Merquise po na ang role ko po roon ay si Cess na sinapian ng demonyo. Sobra po akong nagpapasalamat Kay Lord dahil ‘di ko talaga alam kung paano pumasok sa showbiz at gumawa si Lord ng instrumento para ipasok ako sa showbiz thru Mary Joyce Cureg na ka-workshop ko. Bale, in-invite niya ako kay direk James at nag-workshop ako sa kanya last December.”

Dagdag ni Dess, “So ngayon po, habang naghihintay po ako ng call para sa mga taping, ang ginaga­wa ko po ay sumasali sa mga fashion show.”

Paano niya ide-describe ang experience sa kanyang unang movie? “Sobrang saya po kasi natupad na rin po ‘yung hinihiling ko kay Lord at ibinigay na Niya sa akin. Para po ‘di ako kinabahan noon, inisip ko na gagawin ko ‘to para sa pamilya ko na naniniwala sa akin at alam kong may Diyos ako na kasama at di Niya ako pababayaan. Doon ko na-feel kung paano umarte sa camera at sobrang saya, kasi mababait ‘yung mga cast.

“Maging matiyaga lang ang kailangan at pagbutihin po ang pag-arte. Noong unang scene po kinabahan ako, kasi natatakot ako na pagalitan ni Direk o magkamali ako o baka makalimutan ko ‘yung line. Noong pa­nga­lawa na, ‘di na po ako kinabahan, tinanggal na ni Lord ‘yung kaba ko, binigyan Niya ako ng lakas para ma­gawa ‘yung dapat kong gawin at ini-enjoy ko lang po ‘yung ginagawa ko,” sambit ni Dess.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top