Friday , March 29 2024

Rita Daniela sa body positivity — Galing mas mahalaga kaysa timbang

ADBOKASIYA ni Rita Daniela ang Body Positivity.

“Kasi ang body positivity hindi lang naman ‘yan for the bigger side eh, siyempre roon din tayo sa smaller side, iba rin siyempre gusto nila na sana nagkakalaman sila pero kahit anong kain ang gawin nila hindi sila lumalalaki.

“Kasi para po sa akin tanggap natin lalo na sa Pilipinas, parang kahit gaano ka kagaling, hindi ka agad napapansin dahil sa timbang mo, ‘di ba?

“Kasi iisipin nila, ‘Eh ang taba mo eh.’ Eh ang liit mo eh, kulang ka sa…’

“Pero iyon po kaya rin po ipini-present ko itong sarili ko, kapag lalo akong mas imperfect lalo ko iyong ipe-present kasi living testimony ako ni Lord na hindi dapat maging hadlang ‘yung timbang!

“Kung gusto mong ipakita sa mundo kung gaano ka kagaling, ipakita mo iyon.

“Hindi dapat maging hadlang ‘yung timbang mo.

“Kasi ‘yung galing mo, hindi iyon makukuha ng iba pero kung magpapapayat ka, madali, eh! Kung gusto mong magkalaman, madali, pero ‘yung talento na mayroon ka, hindi ‘yun makukuha ng iba.”

Aminado naman si Rita na sa TV ay kailangang payat ang isang artista, aminado rin si Rita na medyo malaman at healthy ang korte ng katawan niya at lalo siyang lumalaki sa harap ng kamera.

Sinubukan naman niyang magpapayat.

“Kaya ayun, na-over fatigue. Kasi sinubukan pero wala, siguro iyon ‘yung ano ng katawan ko talaga, eh. Parang iyon nga, pumalya lang ng kaunti sa tulog, at pahinga at siyempre sa pagkain din.”

At dahil dito ay naospital si Rita kamakailan.

“Ang weird nga eh, kasi noong nasa ospital ako, wala silang ibang ginawa kundi pakainin ako! Tapos pagkatapos biglang pumayat daw ako. Ang weird!

“Siguro baka iyon ‘yung ano talaga ng katawan ko.”

Kahit medyo malusog ay proud si Rita sa kanyang katawan, madalas siyang mag-post ng litrato niya ng naka-swimsuit sa kanyang Instagram account.

Speaking of Rita, tiyak na kagigiliwan ng netizens ang episode ng Magpakailanman ngayong Sabado.

Napakarami na kasi ngayon ang dog-lovers, kaya naman pasok na pasok at swak na swak sa kagustuhan ng viewers ang My Hero Dog episode ng Magpakailanman.

Tampok sina Rita at Kristoffer Martin, hahaplos sa puso ng sinuman ang napaka-espesyal na kuwento na ito ng tao at ng itinuturing natin na “man’s best friend.”

Bukod dito, mapapanood natin ang bonggang onscreen chemistry nina Rita at Kristoffer.

Kaya tutukan ang Magpakailanman (#MPKMyHeroDog) this Saturday, only in GMA!

Rated R
ni Rommel Gonzales

 

About Rommel Gonzales

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *