Friday , April 10 2020
Breaking News
You are here: Home / Showbiz / Sen. Jinggoy, grabe mag-alaga sa mga kapwa artista
Sen. Jinggoy, grabe mag-alaga sa mga kapwa artista

Sen. Jinggoy, grabe mag-alaga sa mga kapwa artista

SALUDO si Sylvia Sanchez kay Sen. Jinggoy Estrada sa grabeng pag-aalaga sa kanila sa set ng pelikulang Coming Home na intended for Summer Metro Manila Film Festival.

Kuwento ni Sylvia, laging bumabaha ng pagkain sa set ng kanilang ginagawang pelikula, mapa-breakfast, lunch, meryenda, at dinner.

Biro nga Sylvia kay Jinggoy, baka tumaba siya nang husto kapag matagal natapos ang shooting ng kanilang pelikula.

Aniya pa, istorya ng pamilyang Pinoy ang Coming Home na ang kanyang asawa, played by Sen. Jinggoy ay isang OFW na nagkaroon ng mistress at doon na nag-umpisa ang gulo sa kanilang pamilya.

Kakaibang atake ng pagiging nanay dito ni Sylvia ang ginawa niya na malayong-malayo sa mga nanay role na ginampanan niya.

Makakasama nina Sylvia at Sen. Jinggoy sina Edgar Allan Guzman, Shaira Diaz, Julian Estrada, Vin Abrenica, Martin Del Rosario, at Janna Agoncillo. Gaganap naman bilang mistress ni Sen. Jinggoy sa movie si Ms. Universe 3rd runner up Ariella Arida, na idinirehe ni Adolf Alix Jr..

Naabutan din naming bumisita sa shooting ng Coming Home ang CEO/President ng Beautederm na si Ms Rei Anicoche-Tan, malapit na kaibigan ni Sylvia. Si Sylvia ang kauna-unahang endorser ng Beautederm.

MATABIL
ni John Fontanilla

 

About John Fontanilla

Leave a Reply

Your email address will not be published. Required fields are marked *

*

Scroll To Top