Wednesday , August 12 2020
Breaking News
You are here: Home / News / Montero nagwala sa Raon… Babae patay sa freak accident (6 pedestrians sugatan)

Montero nagwala sa Raon… Babae patay sa freak accident (6 pedestrians sugatan)

PATAY agad ang isang babaeng pedestrian habang anim ang isinugod sa dalawang pagamutan nang mapitpit at masoro ng isang Montero SUV na umuugong ang makina at mabilis na umatras sa kinaroroonan ng mga biktima sa Quiapo, Maynila.

Patingkayad at tila nabali ang likod ng babaeng biktima nang mapitpit ang katawan ng Mitsubishi Montero, may plakang RKM-602 nang tila magwala ang sasak­yan at umaangil ang maki­nang umatras sa isang tindahan.

Mabilis na naisugod ng first responder mula sa Manila Police District – Sta. Cruz Station (PS-3) ang anim pang nasugatan sa Jose Reyes Memoril Medical Center (JRMMC) at Metropolitan Hospital.

Ayon sa hepe ng MPD PS3 na si P/Lt. Col Rey­nal­do Magdaluyo, naga­nap ang insidente dakong 2:15 pm sa Raon St., malapit sa panulukan ng Evangelista St., sa Quiapo, Maynila.

Nabatid na galing sa Bataan ang sakay ng nasa­bing sasakyan at pumunta sa Maynila para bumili ng videoke set sa Raon St., nang maganap ang insidente.

Pauwi na umano ang driver na may kasamang isang lalaki nang pagta­pak sa silinyador ay biglang umugong nang napakalalakas at saka matuling na umatras sa lugar kung saan naroon ang babaeng namatay at mga nasugatan.

Dinala sa MPD-PS3 ang driver at ang kanyang mga kasama para sa kaukulang imbesti­ga­syon.

Ang mga biktimang sugatan ay kinabibilangan ng apat na babae, at dala­wang lalaki na itiakbo sa Jose Reyes Memorial Medical Center (JRMMC) sa Rizal Ave., Sta. Cruz at sa Metropolitan Medical Center sa Masang­kay St., Tondo.

Pansamantalang iti­nago ng pulisya ang pangalan ng mga biktima para sa kapakanan ng kanilang mga kaanak.

Iimbestgahan din kung ang nasabing mode­lo ng Montero na sangkot sa insidente ay kabilang sa mga yunit na nagka­roon ng isyu sa accelerator pedal.

nina VV/BRIAN BILASANO

 

About Brian Bilasano

Leave a Reply

Your email address will not be published. Required fields are marked *

*

Scroll To Top