Friday , April 10 2020
Breaking News
You are here: Home / Showbiz / Alex Castro, pinagsasabay ang showbiz at politika
Alex Castro, pinagsasabay ang showbiz at politika

Alex Castro, pinagsasabay ang showbiz at politika

MASAYA ang singer/actor na si Alex Castro dahil nabibigyan siya ng pagkakataon na pagsabayin ang showbiz at politika. Si Alex ay kasalukuyang Board Member ng 4th District of Bulacan, siya rin ang mister ng former Sexbomb member na si Sunshine Garcia.

“Napapanood po ako sa The Haunted na magtatapos na… ang kasama ko po rito sina Jake Cuenca, Shaina Magdayao… iyon pong The Haunted ay isang horror, ang role ko po ay si Bernard, isang pulis na kapatid ni Shaina,” saad ni Alex.

Dagdag niya, “Nagpapasalamat ako sa ABS CBN dahil nabibigyan nila ako ng work, like minsan ay lumabas din ako sa Ipaglaban Mo. Masaya ako kung ano ang ibinibigay sa aking work ng network, kasi, mayroon pa naman akong ibang trabaho bilang public servant.”

Okay lang ba sa kanya na pinagsasabay ang showbiz at politika? “Opo, okay lang na pinagsasabay ko, kailangang kumita ng pera dahil walang pambili ng gatas, e, hahahaha!” pabirong wika niya.

Patuloy ni Alex “Hindi naman po ako nahihirapang pagsabayin ang showbiz at politika. Matagal ko na pong ginagawa, councilor pa lang po ako ng Marilao, ginagawa ko na iyon. So ngayon ay nama-manage ko na. Kasi noong first time ko talaga as public servant, huminto muna ako sa showbiz. Kaya, bale ngayon pa lang po ako bumabalik.”

Nasabi rin ni Alex kung gaano siya kasaya na maging Beautederm ambassador. “Happy, sobrang happy po. Simula pa naman po noong naging pamilya ko itong Beautederm, hindi lang ito as endorsement e, kundi nakakita ako ng mga bagong kaibigan, bagong pamilya. Hindi lang sa trabaho kundi totoo talagang mga kaibigan, kaya masaya ako rito.”

Ano’ng product ang madalas niyang gamitin? “Ang madalas kong gamitin iyong day cream. Kasi rati ang problema ko dry po ‘yung skin ko. So pagkatapos kong maligo, sobrang dry po ng skin ko. Nang ginagamit ko na ‘yung day cream, bukod sa may sunblock na ako, may moisturizer pa ako. And then ‘yung Ultralight na soap, kasi dati nang iba pa ‘yung ginagamit ko, kahit may libre akong facial sa mga sponsors, nagbe-break out pa rin ako ‘tsaka nagpapa-facial pa rin ako every once a month. So ngayon, simula noong nakilala ko ‘yung Beautederm, simula noong ginagamit ko ‘yung products nila, hindi na ako nagpa-facial, wala na akong ginagawa sa mukha ko kundi ginagamit lang ang Beautederm,” wika pa ni Alex.

ALAM MO NA!
ni Nonie Nicasio

 

About Nonie Nicasio

Leave a Reply

Your email address will not be published. Required fields are marked *

*

Scroll To Top