Sunday , April 5 2020
Breaking News
You are here: Home / Showbiz / Sharon, dapat nga bang sisihin sa paglayo sa kanya ni KC?
Sharon, dapat nga bang sisihin sa paglayo sa kanya ni KC?

Sharon, dapat nga bang sisihin sa paglayo sa kanya ni KC?

PAKIRAMDAM ng mga netizen na buhay ng showbiz celebrities ang paboritong tinututukan, tuwing may post sa social media ang mag-inang Sharon Cuneta at KC Concepcion, nagpaparunggitan sila sa isa’t isa.

Pareho naman silang ayaw munang magpahinga sa pagpo-post sa Instagram ng mga saloobin nila, kaya’t laging may dahilan ang ilang netizens na mag-comment sa mga ipinapaskil ng mag-ina.

Nitong mga nagdaang araw, si Sharon ang napagdidiskitahang kastiguhin ng netizens na siyang dapat sisihin sa paglayo sa kanya ng nag-iisa n’yang anak. May nagpaparatang sa kanya na talaga naman na ‘di magiging lubusang malapit sa kanya si KC dahil hindi naman daw siya ang totoong nagpalaki nito kundi ang mga magulang n’yang sina Pablo Cuneta at Elaine Gamboa-Cuneta. 

Inamin naman ni Sharon na abala nga siya sa pagtatrabaho sa showbiz noong paslit pa si KC at hiwalay na siya kay Gabby Concepcion kaya’t ipinagkatiwala n’ya ang bata sa mga magulang n’ya.

Sagot n’ya sa nangastigo: “I worked to put food on our table because no one was helping me. My mom and dad helped raise her because I had to work. Parang mga OFW — kahit ayaw lumayo sa anak, nagtatrabaho.

“Nasaan siya ngayon [kung hindi] ako nagtrabaho? And I didn’t depend on my dad and mom except to take care of her while I was breaking my back and having no sleep to prepare for her future.”

May sagot ang megastar sa mga nagpapayo na parang mabababaw lang naman ang  mga ‘di nila pinagkakasunduan kaya’t madali na nila itong mapag-uusapan na silang dalawa lang kaysa nagpapaskil sila sa social media ng mga saloobin nila na nagiging dahilan para kastiguhin si Sharon ng maraming netizens. Ani Sharon: ”Wala kayong alam sa mga nangyayari. Ano ito, tampong ‘di matapos? Baka kaya mas malalim? Huwag na kasi makialam.”

Ano naman kayang malalim na dahilan ‘yon? Sino kaya ang mga may kinalaman sa malalim na dahilan na ‘yon?

Ipinagtapat pa ng megastar na ni hindi na nagte-text si KC sa kanya. (Pero sa isang interbyu naman kay Frankie Pangilinan, panganay ni Sharon kay Sen. Kiko Pangilinan, na nakikipag-komunikasyon sa kanya ang ate n’yang si KC. Pero ayaw ipagtapat ni Frankie sa kanilang ina ang mga napag-uusapan nilang magkapatid tungkol sa kanilang ina.)

Ang latest move ni KC sa Instagram n’ya ay ang video ng pakikipag-bonding  n’ya sa kanyang ama gayung ni hindi ito nagte-text sa kanyang ina. Nakaiinsulto nga naman ‘yon. Iginiit ni Sharon sa mga nangangastigo sa kanya na ‘di hinihiya ng isang mabuting anak ang mga magulang n’ya.

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top