Monday , February 24 2020
Breaking News
You are here: Home / Opinion / Donasyon para sa Taal victims saan na ga napunta gob?
Donasyon para sa Taal victims saan na ga napunta gob?

Donasyon para sa Taal victims saan na ga napunta gob?

AY hindi ko ga tanong ‘yan.

Tanong po iyan ng mga biktima ng pag-aalboroto ng Taal sa lalawigan ng Batangas.

Sa kasalukuyan kasi’y nagre-recover ang mga mamamayan ng Batangas.

Alam nilang maraming bumuhos na donasyon at tulong sa panahon na matindi ang pagbuga ng abo kaya nga marami sa kanila ang mga naging ‘bakwit’ sa evacuation centers.

Mayroong dalawang casualties pero hindi dahil sa pagsabog ng Taal kung hindi sa mga dating sakit na kanilang nararamdaman.

Pero habang nasa evacuation centers, kahit mayroong mga dumarating na tulong, higit na hinahanap ng mga kababayan nating Batangueño ang nawawala nilang dignidad.

Kumbaga, hindi sila sanay na inaabutan o binibigyan lang ng tulong, mas gusto nilang gumawa o maghanapbuhay para makabili ng kanilang mga pangangailangan sa buhay.

Kaya nga pilit nilang binabalikan ang kanilang mga bahay at mga alagang hayop na katulong nila sa kabuhayan.

Galit ang naramdaman ng mga tao nang magkaroon ng order na ‘lockdown.’

Ang sabi nila, sila ang higit na nakaaalam at nakararamdam kung payapa na ang Taal.

Sa madaling sabi, pagkatapos nang ilang araw, nagsibalikan na sila sa kanilang mga tahanan at unti-unting nilinis ang kanilang mga lugar.

Kumbaga, sila ngayon ay nasa estado ng rehabilitasyon.

At ‘yun ang hinihintay nila — ‘yung alalayan sila ng lokal na pamahalaan pero tila wala silang nararamdaman.

Kaya sila ngayon ay nagtatanong: Saan na ga Gobernador Hermilando Mandanas napunta ang mga donasyon?

Ay pakisagot lang po, Gob!

 Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top