Sunday , September 27 2020
Breaking News
You are here: Home / News / 3 lider sabit sa human smuggling… Simbahan ni Quiboloy sa Amerika ni-raid ng FBI
3 lider sabit sa human smuggling… Simbahan ni Quiboloy sa Amerika ni-raid ng FBI

3 lider sabit sa human smuggling… Simbahan ni Quiboloy sa Amerika ni-raid ng FBI

DUMISTANSYA ang Palasyo sa bestfriend forever (BFF) o matalik na kaibigan ni Pangulong Rodrigo Duterte na si Kingdom of Jesus Christ leader Pastor Apollo Quiboloy.

Sinalakay kamaka­lawa ng mga ahente ng Federal Bureau of Investigation ( FBI) ang simbahan ng Kingdom of Jesus Christ sa Los Angeles, California dahil sa kasong human trafficking at inaresto ang tatlong lider nito.

Ayon kay Presidential Spokesman Salvador Panelo, iginagalang ng Malacañang ang raid ng FBI at kung mapatu­tu­nayan na nagkasala ang tatlo, dapat lamang na parusahan sila sa ilalim ng umiiral na batas sa nasabing bansa.

Sinabi ni Panelo, iginagalang ng Filipinas ang mga batas sa Ameri­ka gaya nang ginagawa nilang pag­respeto sa mga batas sa Filipinas.

Hindi aniya maaring magreklamo ang gobyer­no ng Filipinas lalo na’t lehitimo ang raid sa simbahan.

“If the raid is legitimate then we cannot complain on that. You must remember that if a crime is committed in any country then the law of that country would have to be followed. We have to respect them. The way we ask them to respect ours,” ani Panelo.

Matatandaan, ma­ging si Quiboloy ay naha­rang na rin sa Amerika noong February 2018 dahil sa kuwestiyo­nableng pagdadala ng malaking halaga ng dolyares at mga baril.

Naging kontrober­siyal din si Quiboloy matapos mag- viral sa social media ang kanyang pahayag na kanya uma­nong pinahinto ang malakas na lindol na tumama sa Mindanao region kamakailan.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top