Thursday , March 28 2024

Kobe, 13-anyos anak na babae, 7 pa patay sa chopper crash

LOS ANGELES — Hindi nakaligtas sa kamatayan si Kobe Bryant, ang 18-time NBA All-Star na nagwagi ng limang championships at tina­wag na “greatest basket­ball players of his generation” sa kanyang 20-taong karera sa Los Angeles Lakers, nang mag-crash ang sinasak­yang helicopter nitong Linggo (Lunes sa Maynila).

Edad 41 anyos ang pambihirang basket­bolista.

Namatay si Bryant sa helicopter crash malapit sa Calabasas, California, ayon sa nakapanayam ng The Associated Press.

Naganap ang pagbagsak ng helicopter dakong 10 am, 30 milya sa hilagang kanluran ng downtown Los Angeles.

Kasama sa mga namatay ang 13-anyos na anak ni Kobe na si Gianna, a.k.a. Gigi.

Patay din ang sports coaches at kasamahang teenager  ni Gigi , patungo sa Mamba Academy ni Bryant para sa isang practice session nag bumagsak ang helicopter sa Calabasas.

Kinilala ang ibang namatay na sina John Altobelli, head baseball coach ng Orange Coast College, asawang si Keri, at anak na si Alyssa; Christina Mauser, empleyado sa Mamba Academy; ang mag-inang Sarah Chester at Payton; at ang pilot na si Ara Zobayan.

Ayon kay Colin Storm, nasa sala siya ng kanilang bahay sa Calabasas nang marinig niya ang tunog ng tila mababang lipad na eroplano o helicopter.

Aniya, “It was very foggy so we couldn’t see anything. But then we heard some sputtering, and then a boom.”

Ayon kay Federal Aviation Administration spokesman Allen Kenitzer, isang Sikorsky S-76 ang sinakyang helicopter nina Kobe at hindi pa rin alam kung ano ang sanhi ng pagbagsak.

“The Sikorsky S-76 is generally regarded as a good helicopter with a good safety record,” ani Gary C. Robb, isang aviation attorney sa Kansas City. “But parts fail, parts break. Anything can happen,” dagdag niya.

Si Bryant ay dating nakatira sa timog ng Los Angeles sa coastal Orange County noong kanyang kabataan.

Lagi umanong naka-helicopter si Bryant upang makaiwas sa grabeng trapiko sa California.

Apat ang anak na babae ni Bryant sa kanyang asawang si Vanessa.

Inihandog ni Bryant ang kanyang sarili upang palakasin ang mga kababaihan sa sports sa kanyang retire­ment, at hyangarin niyang patuloy na magturo at magpanday ng basketball players.

Hindi nakapag­tataka na ang anak na si Gianna, mas kilala bilang Gigi, ay isang talentadong basketball player.

Nagretiro  si Bryant noong 2016 bilang third-leading scorer sa kasaysa­yan ng NBA.

Huling mensahe niya kay LeBron James, “Continuing to move the game forward (at) King­James.”

“Much respect my brother.”

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *