Sunday , September 27 2020
Breaking News
You are here: Home / News / Mahirap na Filipino, mas marami… SWS survey deadma sa Palasyo
Mahirap na Filipino, mas marami… SWS survey deadma sa Palasyo

Mahirap na Filipino, mas marami… SWS survey deadma sa Palasyo

DEADMA ang Palasyo sa pinakabagong resulta ng survey ng Social Weather Station (SWS) na tumaas ang bilang ng mga Pinoy na ikinokon­sidera ang kanilang sarili bilang mahirap.

Base sa survey ng SWS sa ikaapat na quarter ng 2019, tumaas sa 54 percent ang bilang ng mga Filipino na nagsabing mahirap sila kompara sa 42 percent na naitala noong Setyem­bre 2019.

Ito na ang pinaka­mataas na self rated poverty record mula noong 2014.

Sinabi ni Presidential Spokesman Salvador Panelo, makababawi ang gobyerno dahil maga­galing ang economic managers ni Pangulong Rodrigo Duterte.

Marami aniyang incoming projects na ikinakasa ang pamaha­laan at nangangahulugan ito ng maraming trabaho.

Kapag nagkataon, marami aniya sa mga Filipino ang magkakaroon ng pagkakataon na gumanda ang kanilang pamumuhay.

Nagawa na rin aniya ng economic managers na makontrol noon ang inflation.

Normal na aniyang tumataas o bumababa ang bilang ng mahihirap na Filipino.

Maaari kasi aniyang nagkataon na ginawa ang survey at natanong ang isang Filipino na walang trabaho o nata­pos na ang kontrata o proyekto.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top