Friday , February 21 2020
Breaking News
You are here: Home / Showbiz / Javi, ipinalit ni Sue kay Joao
Javi, ipinalit ni Sue kay Joao

Javi, ipinalit ni Sue kay Joao

SA nakaraang advance screening ng A Soldier’s Heart ay namataan si Javi Benitez, ang baguhang aktor na nauugnay ngayon kay Sue Ramirez dahil magkasama sila sa launching movie ng binata na siya rin mismo ang producer.

Base sa obserbasyon namin kasama ang ibang katoto ay magkasama sina Javi at Sue at humiwalay lang ang binata nang may mag-interview sa aktres at pagkatapos ay naglapit ulit sila.

Totoo nga yata ang tsika sa aming may relasyon na sina Javi at Sue dahil ang una mismo ang pumili sa dalaga para maging leading lady at handa siyang maghintay sa iskedyul ng aktres dahil sa rami ng ginagawa nito.

Sumakto naman na hiwalay na sina Sue at ang boyfriend niyang si Joao Constancia nang maugnay siya kay Javi. Sabi tuloy ng iba, “parang nagbihis lang si Sue ng damit.”

Eh, ganoon na talaga ang millennials ngayon, bakit kailangang patagalin kung gusto ninyo ang isa’t isa.

Samantala, babaeng sundalo o miyembro ng Women’s Army Corps si Sue sa A Soldier’s Heart na kasamahan nina Gerald Anderson at sila rin ang magka-loveteam pero hindi sa love story nila naka-focus ang istorya ng serye kundi sa pamilya at sa pagtatanggol sa bayan.

Kasalukuyang umeere ang A Soldier’s Heart sa ABS-CBN pagkatapos ng Make It With You.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top