Friday , March 29 2024

‘Window hours’ sa Batangas, ipinahinto ni Año

IPINATIGIL ni Depart­ment of Interior and Local Government (DILG) Secretary Eduardo Año ang implementasyon ng ‘window hours’ na ipinagkakaloob nila para sa ilang nagsilikas na residente ng Batangas na nais bumalik sa kanilang mga tahanan upang kunin ang kanilang mga personal na gamit o ‘di kaya’y pakainin ang kanilang mga alaga, na naiwan sa kanilang mga tahanan na direktang tinamaan ng pag-alboroto ng bulkang Taal.

Ayon kay Año, nag­bigay lamang sila ng humanitarian con­side­ration sa mga naapek­tohan ng pagputok ng bulkan ngunit kailangan nilang maging estrikto sa pagpapatupad ng ‘window hour’ at hindi maaaring araw-araw na  papayagan ang mga residente na makabalik sa kanilang mga bahay.

Nabatid na pinayagan ng DILG ang local govern­ment units (LGUs) na magdesisyon kung mag­bibigay ng ‘window hours’ sa mga residente, depende sa paabiso ng PhiVolcs.

“…actually I would provide instruction to the LGUs, ‘yung mga nakapag-provide na ng window hours, stop na ‘yun… hindi puwedeng araw-araw. Nagbigay lang tayo ng konting humanitarian consi­deration. We need to be strict,” pahayag ni Año.

Binigyang-diin ni Año, ang prayoridad nila ay kaligtasan ng mga resi­dente kaya’t hindi nila maaaring isugal ang buhay lalo’t nananatiling mapanganib ang sitwa­syon sa paligid ng bul­kang Taal.

Paliwanag ni Año, walang nakaaalam kung kailan puputok ang bulkan kaya’t hangga’t nakataas ang Alert Level 4 ay mahigpit nilang ipatutupad ang ‘lock­down’ sa mga lugar na nasa loob ng 14-KM danger zone, gayondin ang mandatory evacua­tion sa mga residente.

Iniulat ng DILG chief na nasa 98% ng mga residente sa bisinidad ng Taal ang nailikas nila sa ngayon simula nang itaas ang alerto ng bulkan sa Level 4 nang pumutok ito noong 12 Enero.

Kabilang sa mga lugar sa Batangas na nananatiling naka-lockdown ang Agoncillo, Tanauan City, Talisay, at San Nicolas ngunit kamakailan ay pinayagan ng mga awtoridad ang mga residente sa Agon­cillo, Tanauan, at San Nicolas na makabalik sa kanilang mga tahanan upang makakuha ng ilang gamit at mga alagang hayop, sa limitadong oras lamang.

ni ALMAR DANGUILAN

MARAMING LINDOL
INDIKASYON NG MALAKAS
NA PAGSABOG

MATINDING banta ng pagsabog ang indikasyon ng maraming paglindol na ibig sabihin ay uma­angat ang magma sa bunganga ng bulkang Taal.

Ayon kay Philippine Institute of Volcanology and Seismology (Phivolcs) director Renato Solidum, sakaling suma­bog ang bulkan, magla­labas ito ng ring of clouds na mapanganib sa tao.

Ito aniya ang dahilan kaya hindi pa ibinababa ng Phivolvs ang alert level 4 sa bulkang Taal.

Maaari aniyang hindi nakikita ng ordinaryong mamamayan ang mga aktibidad sa loob ng bulkan kaya inaakala na tahimik na ito.

Kaugnay nito, ipinag­bawal ng Department of the Interior and Local Government (DILG) ang lahat ng commercial activities na sakop sa 14-kilometer danger zone.

Inilabas ng DILG ang kautusan kasunod nang pagbubukas ng ilang establisimiyento sa Tagay­tay City sa Cavite isang linggo matapos ang pagsabog ng bulkang Taal.

Ipinagbawal rin ang pagbibigay ng window hours ng mga lokal na pamahalaan sa mga residente para makabalik sa kanilang mga inaban­donang bahay habang nakataas sa alert level 4 ang bulkang Taal.

(ROSE NOVENARIO)

P50-M HATAG
NI DIGONG SA BIKTIMA
NG TAAL ERUPTION

BINIGYAN ni Pangulong Rodrigo Duterte ng P50 milyon ang mga lokal na pamahalaan ng Batangas na naapektohan ng pag­sabog ng bulkang Taal.

Nagtungo kahapon ang Pangulo sa PUP Gymnasium para pangu­nahan ang pamamahagi ng food packs sa mga bakwit.

Sinabi ni Sen. Christopher “Bong” Go, binigyan ni Pangulong Duterte ng tig-limang milyong piso ang Lipa City, Agoncillo, Tanauan, Mabini, Batangas City, San Luis, Sto. Tomas, at San Jose.

Habang ± 10 milyon sa pamahalaang panlala­wigan ng Batangas.

(ROSE NOVENARIO)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *