Friday , February 21 2020
Breaking News
You are here: Home / Showbiz / Sino nga ba ang special someone ni Gerald?

Sino nga ba ang special someone ni Gerald?

SI Gerald Anderson ang pangunahing bida sa bagong primetime drama series ng ABS-CBN 2, ang A Soldier’s Heart. Gumaganap siya rito bilang si Alex Marasigan, isang Muslim, na noong bata pa ay inampon ni Rommel Padilla, sa role na isang sundalo.

Noong nagbinata na si Gerald, nag-decide siyang sundan ang yapak ng ama-amahan, maging sundalo rin.

Maipagmamalaki ni Gerald ang bago niyang serye.

“Sigurado po kaming marami kayong matututuhan sa first week pa lang namin. Hindi lang ito basta tungkol sa mga sundalo, kundi pati sa mga pamilya ng sundalo.

“’Yung mga sakripisyo na ibinibigay nila. And siyempre, pati ‘yung sa ibang side, pati sa Islam, mas maiintindihan natin,” sabi ni Gerald nang makausap namin sa special screening ng A Soldier’s Heart.

Natutuwa si Gerald na nakatrabaho niya sa nasabing serye sina Nash Aguas, Jerome Ponce, Vin Abrenica, Elmo Magalona, Yves Flores, at Carlo Aquino.

“I’m very lucky to be in the same line with the great actors. And I’m very excited na mapanood kung gaano sila kagaling.”

Ikinuwento ni Gerald ang training na ginawa nila bago sumalang sa nasabing serye.

“Dumaan kami sa three-day scout rangers course. Sobra akong nagpapasalamat na dumaan kami sa training na ‘yan. Kahit paano, totoo ‘yung mga eksena namin, eh. Sobrang thankful lang ako, na ako ‘yung pinili para gampanan ‘yung Alex Marasigan.

“Sa totoo lang, hindi ako nakararamdam ng pagod, dahil na-enjoy ko ‘yung ginagawa ko, eh, at alam ko na mayroon kaming ginagawa para sa bansa natin, dito sa show.

’Yung mga kinukunan, ‘yung training, sobrang totoo lahat ‘yan. But very fulfilling.”

Samantala, sa tanong namin kay Gerald kung sino ang special someone na binigyan niya ng regalo noong nakaraang Pasko, ang natatawa niyang sagot, “’Yung nanay ko. Siya ang special someone ko.”

Pagkatapos sagutin ni Gerald ang tanong namin ay agad na siyang tumayo at umalis. Alam niya siguro na iba ang gusto naming marinig na sagot mula sa kanya, at ito ay si Julia Barretto, na sinasabing girlfriend niya ngayon.

Ang A Soldier’s Heart ay napapanood sa Primetime Bida ng Kapamilya , mula Lunes hanggang Biyernes.

MA at PA
ni Rommel Placente

 

About Rommel Placente

Leave a Reply

Your email address will not be published. Required fields are marked *

*

Scroll To Top