Tuesday , March 31 2020
Breaking News
You are here: Home / Showbiz / JC at Bela, may bagong pakilig sa viewers
JC at Bela, may bagong pakilig sa viewers

JC at Bela, may bagong pakilig sa viewers

SUWERTE at nagki-klik lagi sa takilya ang tandem nina JC Santos at Bela Padilla kaya naman marami ang nagre-request na sundan ang mga pelikula nilang 100 Tula Para Kay Stella at The Day After Valentine’s. Kaya naman ang On Vodka, Beers and Regrets ang bago nilang handog mula Viva Films.

Ang On Vodka, Beers and Regrets ay ukol kay Jane Pineda, isang dating child star at artistang malapit nang mawalan ng career. Sa kanyang sunod-sunod na failed auditions at sa kagustuhang makatakas sa isang malaking eskandalo, sa alak siya nakahanap ng kakampi. At sa isang lasing na pagkakataon sa bar, nakilala ni Jane si Francis, vocalist ng isang banda. Rito biglang nagbago ang lahat. Nakahanap din sa wakas si Jane ng kakampi at saya sa piling ni Francis. Para kay Francis, handa niyang mahalin si Jane anuman ang kanyang sitwasyon.

Noong January 3, 2020, nag-post ang Viva Films sa kanilang Facebook page ng teaser trailer para sa On Vodka, Beers and Regrets. At sa loob lang ng tatlong oras, mayroon na agad itong 900,000 views at halos 30,000 Facebook users na ang nag-share ng teaser. Makalipas ang 24 oras, umabot na sa 4 million views ang teaser trailer sa lahat ng social media plat­forms. Patunay lang na isa ito sa mga pinaka-aaba­ngang pelikula sa simula ng taon.

Ma­tu­tu­wa rin lalo ang mga fan dahil ang nagsulat at nagdirehe ng pelikulang ito ay walang iba kundi si Direk Irene Emma Villamor, na siyang nagdirehe ng mga box-office hits gaya ng Sid & Aya: Not A Love Story; Meet Me In St. Gallen; at Camp Sawi.

Isa pang nakadagdag ng excitement para sa pelikulang ito ay ang rising star ng Viva na si Raphiel Shannon, na siyang kumanta ng movie soundtrack na Mundo, ang smash hit ng bandang IV of Spades noong 2018.

Kaya maghanda na sa halo-halong feels ng kilig at heartbreak (ulit?!) na tanging sina JC at Bela lamang ang makapag­bibigay on-screen sa On Vodka, Beers and Regrets na mapapanood na sa Pebrero 5.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top