Monday , February 17 2020
Breaking News
You are here: Home / Showbiz / Nadine, sasabak na sa mga sexy role
Nadine, sasabak na sa mga sexy role

Nadine, sasabak na sa mga sexy role

BUKOD sa mga picture nilang akala mo nagha-honeymoon sa Brazil, hataw din ang labas ng mga sexy picture ni Nadine Lustre na lumalabas sa mismong social media account niya. Maaaring nasa abroad nga siya at ang naglalabas niyon ay ang kanyang account administrator, pero sigurado pinayagan niya ang paglalabas niyon.

Mukha ngang desidido si Nadine na sa kanyang pagbabalik, susubukan na niya ang mga sexy role. Mukhang puwede naman dahil nang makita nga namin ang mga picture, ang naalala namin ay si Alma Moreno noong panahon ng kanyang kasikatan. Aba noong nagbo-bold si Alma, ang pelikula niya lumalaban kina Nora Aunor at Vilma Santos. May panahon pa ngang tinawag siyang “third superstar.”

Pero sa panahong ito na marami nang nakikita ang mga tao sa pelikula, hindi na puwede iyong mga gaya lang ng ginawa ni Alma. Mas matindi na ang pagpapa-sexy ngayon. Nakahanda na bang lumaban ng totoong hubaran si Nadine?

Iba-iba na naman ang magiging reaksiyon ng fans diyan. May fans na aayaw at ang gusto ay gaya pa rin ng dati ang love team nila ni James Reid. May fans namang gusto dahil iyan ang nakikita nilang paraan para malampasan ng popularidad ni Nadine ang ibang young female stars.

Bakit, hindi rin ba maaaring magpa-sexy si James?

Kung kami kasi ang tatanungin, mukhang masyado nang saturated ngayon iyong market ng wholesome love teams. Kopo na ng KathNiel ang market. Iyon ngang LizQuen hirap pang umabante. Iyong AlDub wala na. Iyan namang JaDine, ang tagal kasing natulog at hindi nga maganda ang naging resulta ng mga huling pelikula ni Nadine. Mukhang pabor nga kami sa isang mas sexy na love team nila.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top