Friday , February 21 2020
Breaking News
You are here: Home / News / Kaibigang dalagita dinakma, binata kulong sa molestiya
Kaibigang dalagita dinakma, binata kulong sa molestiya

Kaibigang dalagita dinakma, binata kulong sa molestiya

SWAK sa kulungan ang isang 28-anyos binata matapos ireklamo ng pangmomolestiya sa isang kaibigang dalagita na kabilang sa inimbitahan niyang uminom ng alak sa kanilang bahay kamakalawa ng gabi sa Valenzuela City.

Batay sa ulat, inimbita­han ni Jeffrey Borromeo ang biktmang itinago sa pangalang Kyla, na kanyang kaibigan at apat pa sa isang inuman sa kanilang bahay sa #133 C. Guansing St., Brgy. Polo ng nasabing lungsod.

Nang makaubos na sila ng ilang bote ng alak, nakaramdam ng pagkahilo ang dalagita kaya’t hinaya­an muna siya ng mga kainuman na pansaman­talang magpahinga.

Nang makaalis ang apat na kainuman dakong 7:00 pm, dito nagkaroon ng pagnanasa si Borromeo sa kaibigan at sinamantala niyang molestiyahin ang natutulog na dalagita.

Gayonman, nang maramdaman ng biktima ang paghalik sa kanyang labi at marahas na pagdakma sa kanyang dibdib, napa­balikwas siya ng bangon na ikinagulat din ng suspek kaya’t hinayaan na lamang ng lalaki na makaalis ng kanilang bahay ang dalagita.

Nang makauwi, isinumb­ong ng biktima sa kanyang ina ang ginawa ng suspek kaya’t humingi ng tulong ang ina ng dalagita sa mga tauhan ng Valenzuela Police Community Precinct (PCP) 5 na nagresulta sa pagkaka­dakip kay Borromeo na ngayon ay nahaharap sa kasong Acts of Lasciviousness na may kaugnayan sa paglabag sa Anti-Child Abuse Law.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top