Friday , March 29 2024

Madayang presyo ng Angkas pabigat sa mga pasahero

PATULOY ang paglabag ng Angkas motorcycle taxi sa Land Transportation Franchising and Regulatory Board (LTFRB) sa pag­pataw ng surge charge na nagpapabigat sa mga mismong pasahero nito.

Nabatid mula sa Technical Working Group (TWG) na binuo ni Department of Tran­sportation (DOTr) Sec. Arthur Tugade na ipata­tang­gal ang Angkas bilang isang ride-hailing app dahil sa mga naitalang sunod-sunod na paglabag ng kompanya, kasama na rito ang panlilinlang sa publiko.

Kabilang sa mga nasabing paglabag ang pagpapataw ng surge, usaping pagmamay-ari ng isang foreign firm ang Angkas, at pag-o-operate sa mga lugar na labas sa mga itinakdang guideline ng TWG.

Anila, doble-kara ang Angkas dahil iba ang ginagawa nito sa sinasabi.

Kaugnay nito, humingi ng tawad sa LTFRB noong Miyekoles si George Royeca, Angkas chief transport advocate.

Matapos ang kanyang pag-amin sa mga nagawang paglabag ng kanilang kom­panya, nangako si Royeca na ititigil na nila ang surge charge.

Ngunit sa kabila nito, itinuloy ng Angkas ang asunto matapos maghain ng petisyon sa Quezon City Regional Trial Court Branch 223 upang hilingin ang paglalabas ng temporary restraining order (TRO) laban sa inilagay na 10,000 cap sa bilang ng mga rider na makabibiyahe nang legal.

Kasama sa petisyon ng Angkas ang pag-alis sa iba pang mga motorcycle-hailing app – tulad ng JoyRide at Move It – sa pilot testing na taliwas sa kagus­tuhan ng ilang samahang nagsusulong ng mga kapakanan at protek­siyon ng Pinoy commuters tulad ng Bantay Pinoy Commuters.

Ayon kay Oliver Maca­tangay, presidente ng samahan, parami nang parami ang mga nagrere­klamo dahil sa patuloy na paglabag ng Angkas sa mga kaligtasang pangtrapiko, gaya ng hindi pagsusuot ng helmet at vest ng mga rider at commuter, at maging ang paggamit ng mahinang klase at hindi awtoridasadong safety gears.

“Mabuti na lang, may dalawang alternatibo. Parang Grab din pala itong Angkas, laging nagkakaroon ng surge,” ani Macatangay.

“Creative overpricing and now insensitive, discriminatory actions — all in violation of guidelines. ‘Tinuloy ang asunto after apologizing. Sana gawin ng gobyerno ang tama at ma-blacklist na sila (Angkas). If not for insincerity at least for habitual violation and non-compliance,” dagdag niya.

Kasama sa mga inamin ni Royeca na sa 27,000 riders, umaabot lamang sa 3,000 hanggang 5,000 ang pumapasadang riders ng Angkas.

Itinanggi ni Royeca na pag-aari ng negosyanteng Singaporean ang kanilang kompanya. Kahit naka­re­histro sa Securities and Exchange Commission ang Angkas o DBDOYC, lumili­taw na 99.96 porsiyentong pag-aari ito ng isang dayuhan.

Itinatadhana ng Saligang Batas na hanggang 40 por­siyento lamang ang pinaka­malaking sapi na maaaring ariin ng isang dayuhan sa alinmang kompanyang Filipino kung nanaisin niyang magnegosyo sa bansa.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *