Monday , January 20 2020
Breaking News
You are here: Home / News / Chinese patay nang mahulog mula sa nasusunog na condo unit
Chinese patay nang mahulog mula sa nasusunog na condo unit

Chinese patay nang mahulog mula sa nasusunog na condo unit

ISANG Chinese national ang namatay nang mahulog sa nasusunog na gusali sa Malate, Maynila nitong Sabado ng hapon.

Kinilala ng pulisya ang namatay na si Wang Ser Siong, 64, naninirahan sa isang unit na pinag­mulan ng apoy.

Sa imbestigasyon, nabatid na nais tumakas ni Wang na planong duma­an sa balkonahe ng Unit 8E ng Legaspi Tower na matatagpuan sa 300 Roxas Boulevard  mata­pos lamunin ng apoy ang gusali dakong 5:48 pm.

Nabatid sa pulisya, nag-iisa si Wang sa yunit nang maganap ang insidente.

Sa isang video clip na ini-post sa Facebook, nakita ang biktima na nakabitin sa pasamano nang halos dalawang minuto.

At nang kumalat ang apoy, nakabitiw ang bik­tima hanggang mahulog.

Sinabi ng pulisya, matinding pinsala ang dumale kay Wang mata­pos mahulog sa four-story condo building.

Mabilis na umakyat sa ika-apat na alarma dakong 6:09 pm ang nasa­bing sunog at sina­bing under control dakong 7:40 pm. Lubusang naa­pula ang apoy dakong 9:01 pm, ayon sa Bureau of Fire Protection (BFP).

Nagpapatuloy ang imbestigasyon upang matukoy ang pinagmulan ng apoy.

About hataw tabloid

Leave a Reply

Your email address will not be published. Required fields are marked *

*

Scroll To Top