Monday , January 20 2020
Breaking News
You are here: Home / News / Bebot ninakawan ng puri, valuables ng 5-day lover
Bebot ninakawan ng puri, valuables ng 5-day lover

Bebot ninakawan ng puri, valuables ng 5-day lover

SISING-SISI ang isang magandang telecom company manager makaraang ibigay ang sarili at lasa­pin ang sarap kapalit ang isang oras na kaligayan sa kamay ng inakala niyang lover ngunit magnanakaw pala sa  Malabon City, kamakalawa ng gabi.

Dakong 9:00 pm kamakalawa ng gabi nang mag-check-in sa isang motel sa Brgy. Potrero ang biktimang itinago sa pangalang Jovy, 47 anyos, kasama ang suspek na kinilalang si Kirby Villanueva. 41 anyos.

Batay sa ulat ni P/MSgt. Julius Mabasa, noon lamang 3 Enero, nagkakilala  ang biktima at ang suspek na si Villanueva at dahil sa matatamis na pambobola ng lalaki ay agad bumi­gay ang babae na maki­pag­kita sa isang fastfood restaurant.

Mula sa resto ay niyaya ni Villanueva na pumasok sa motel at kotse pa ng biktima ang gamit hanggang isang oras nilang nilasap ang inakalang tamis ng pag­mamahalan.

Matapos ng sex bout, niyaya siya ng suspek na kumain sa labas ng motel  at sinabing iwan na la­mang ang kotse dahil babalik naman sila pagkatapos kumain upang ituloy muli ang kanilang  pagniniig.

Sa isang teahouse  sa Caloocan  City human­tong ang dalawa, bago du­mating ang mga inor­der na pagkain, nagpa­alam ang suspek na tutungo sa banyo pero hindi na ito bumalik dahilan upang bumalik sa motel ang babae.

Natuklasan ng biktima na nawawala na ang mga  mamahaling  gamit kasama ang mga gadget, relo, salapi, ATM cards at kanyang iden­tification cards.

Ayon sa pulisya, modus operandi ng suspek na gamitin ang kanyang gandang lalaki upang mambiktima ng mga babaeng kanyang pangangakuan ng pag-ibig ngunit matapos patikimin ng sarap ay kanyang pagnana­kawan.

Sinabi ni P/Sgt. Mabasa na ganito rin ang kahalintulad na insidente sa Maynila at Pasay na nakunan ng CCTV at iisa lang ang pigura ng lalaking suspek.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top