Friday , February 21 2020
Breaking News
You are here: Home / News / P1.8-B sa OFWs’ repatriation handa na — DoF
P1.8-B sa OFWs’ repatriation handa na — DoF

P1.8-B sa OFWs’ repatriation handa na — DoF

MAY nakahandang P1.8 bilyon para sa repatria­tion program ng gobyerno sa mga Filipino sa Iran at Iraq, ayon sa Department of Finance.

Sinabi ni Finance assistant secretary Rolan­do Toledo sa press briefing sa Palasyo na handa na ang kabuuang P1.8  bilyon standby funds anomang oras na gamitin ng gobyerno para sa ikinakasang evacua­tion at repatriation sa mga naiipit na Filipino ngayon sa girian ng Amerika at Iran.

Sakali aniyang hindi sumapat ang pondo, may­roon pa aniyang contingency fund na nagkakahalaga ng P13 bilyon na kailangang aprobahan ni Pangulong Rodrigo Duterte para magamit.

Naghahanap din aniya ang DOF ng iba pang sources na puwe­deng pagmulan ng karag­dagang pondo upang magamit sa repatriation program.

Kaugnay nito, iniha­yag ni Labor Secretary Silvestre Bello III na magtutungo ngayon si Overseas Workers Welafre Administration (OWWA) Hans Cacdac sa Saudi Arabia at Kuwait, si Labor Under­secretary Bernard Olalia sa Lebanon at si Labor Undersecretary Claro Arellano sa United Arab Emirates upang plan­tsahin ang mga prepara­syon sa paglikas ng mga migranteng Pinoy kapag tumindi ang tensiyon sa pagitan ng Amerika at Iran.

Itinatag aniya ang rapid response team kasa­bay nang deklarasyon ng alert level 4 o mandatory repatriation sa Iraq.

Aniya, nakikipag-usap na ang pamahalaan sa China, Russia, Canada, Germany, at Japan upang maging alternatibong destinasyon ng may dalawang milyong manggagawang Pinoy na mawawalan ng trabaho dulot ng girian ng US at Iran. (R. NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top