Friday , February 21 2020
Breaking News
You are here: Home / News / P64K shabu nakuha sa 2 tulak
P64K shabu nakuha sa 2 tulak

P64K shabu nakuha sa 2 tulak

NAKUHA sa dalawang hinihinalang tulak ng ilegal na droga ang nasa P64,000 halaga ng shabu sa buy bust operation ng mga pulis sa Malabon City.

Kinilala ni Malabon Police chief Col. Jessie Tamayao ang mga naarestong sus­pek na sina Darwin Desier­to, 39 anyos, pedicab driver; at John Romilo, 25 anyos, tattoo artist, kapwa residente sa Caloocan City.

Sa imbestigasyon ni P/SSgt. Ramos Timmago, dakong 12:30 am nang isagawa ng mga operatiba ng Station Drug Enforcement Unit (SDEU) sa pangunguna ni P/Capt. Johnny Baltan sa ilalim ng pangangasiwa ni Col. Tamayao ang buy bust operation laban sa mga suspek sa Langaray corner Pampano streets, Brgy. Longos sa koordinasyon sa PDEA CAMANAVA.

Matapos iabot ng mga suspek ang isang sachet ng shabu sa pulis na umaktong poseur-buyer kapalit ng P300 marked money, agad sumugod ang back-up na operatiba saka sila sinung­gaban.

Nakompiska sa mga suspek ang halos 9.53 gramo ng hinihinalang shabu na tinatayang P64,804 sa street value nito at buy bust money.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top