Friday , March 29 2024

‘Maligayang Pasko’ sa Clark International Airport na dinagsa ng illegal entrants na Indian nationals

WALA raw makapapantay sa ‘masaya at masaganang’ Pasko na naranasan ng mga taga-Bureau of Immigration (BI) sa Clark International Airport (CIA).

Bakit ‘kan’yo?

Aba, ‘e dumagsa pala ang Indian nationals sa nasabing Airports, kahit sila ay illegal entrants.

For your information (FYI) Immigration Commissioner  Jaime “Bong” Morente, puwede po ninyong mai-check sa airline’s manifesto ang mga sumusunod na pangalan.

Noong  21 Disyembre 2019, dumating sa bansa ang dalawang Indian nationals na sina Rashpal Ram at Jaswant Singh, sakay sila ng Tr386 na lumapag sa Clark International Airport (CIA) sa Angeles City.

Kasunod nila sina Gurtek Singh, Harwinder Singh, at Vipin Kumar. Sakay din ang tatlong ‘yan ng Tr386 na lumapag naman sa Clark International Airport noong 31 Disyembre. Lahat sila ay Indian nationals pero illegal entrants.

Mayroon din tayong natanggap na tip na pito pang Indian nationals ang inaasahang darating nitong 2 Enero 2020 sakay ng Tr386 ngunit tila hindi sila natuloy.

Sa kasalukuyan umano ay nakabinbin pa sa Singapore sina Jaswinder Singh, Nardeep Gill, Jagwinder Singh Gill, Rajanvir Singh, at Surjit Singh.

Ilan lang po iyan sa monitored illegal entrants, ‘e paano kaya ‘yung mga nakalusot na?!

Dinaragsa ngayon ang CIA dahil nagsara (meaning, naghigpit sa iba pang airports) kaya roon dumaragsa ang Indian nationals na illegal entrants.

Ang tanong: sino ang nagmamaniobra para makapasok sa bansa ang illegal entrants na Indian nationals?!

Hindi kaya naramdaman ni Commissioner Jaime Morente ang mga ‘bukol’ sa ulo niya?!

Arayku!

Ayon mismo sa mga insider, halos P80,000 kada ulo ng Indian national ang pumapasok sa bulsa ng mga promotor para makapasok ang illegal entrants.

Kaya nakapagtataka pa ba kung bakit tahimik na tahimik ang BI sa CIA?

Mukhang hindi lang nagmantika kundi talagang umagos ang mantika sa mga nguso ng ilang taga-BI diyan sa Clark?!

Hindi kaya naamoy ni Commissioner Morente ang ‘kambing’ na tila may dalang ‘Olive oil’ sa rami ng mga nakalusot na illegal entrants?!

Commissioner Morente Sir, nariyan na po ang pangalan ng illegal entrants. Madali na ninyong mate-check ‘yan sa manifesto ng Tigerair from Singapore to Angeles City.

Aksiyon na lang po ng BI main office sa Intramuros, Maynila ang kailangan.

Aasahan po namin ‘yan.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *