Monday , February 17 2020
Breaking News
You are here: Home / Showbiz / Seth, napahanga sa makapamilya ni Andrea
Seth, napahanga sa makapamilya ni Andrea

Seth, napahanga sa makapamilya ni Andrea

NATUTUWA si Seth Fedelin na nakakatrabaho at naging ka-loveteam niya si Andrea Brillantes sa top-rating drama series ng ABS-CBN 2 na Kadenang Ginto. Noong hindi pa kasi siya artista ay crush niya na ang young actress.

Kahit crush ni Seth si Andrea, wala pa siyang balak na ligawan ito.

“Sa ngayon po, kinikilala ko pa po siya. Months pa lang po kasi kaming magkasama, eh, wala pang taon. Alam kong mayroon pa akong hindi nakikita sa kanya. Lahat naman tayo, hindi puro maganda ‘yung ginagawa natin, so, mayroon tayong mga kasalanan.

“So, gusto kong makita sa kanya ‘yung totoong siya. Lagi kong sinasabi sa kanya na, huwag mong gawin ‘yan para ma-impress ako sa ‘yo. Gusto kong makita ‘yung totoong Andrea Brillantes, which is nakikita ko naman sa kanya, ‘yung nagpapakatototo siya. Kasi roon ka minamahal, eh. Hindi ka mamahalin ng tao kapag peke ka,” sabi ni Seth.

Patuloy niya, ”First impression ko sa kanya, hindi pa ako artista, nasa loob pa lang ako ng Bahay Ni Kuya is mataray, ganoon, hindi ako papansinin. Pero nagkamali ako, kasi mapagmahal siya sa pamilya niya, kitang-kita ko ‘yun. Ginagawa niya lahat. Ang trabaho niya, inaayos niya para sa pamilya niya. 

“Ngayon, nagpapagawa siya ng bahay, tapos gusto niya, lahat ng pamilya niya roon titira. Ganoon ang gusto ko, eh. Nakikita ko sa babaeng ‘yun, mapagmahal sa pamilya, mabait, may takot sa Diyos. Kaya kumbaga, siya na, eh. Malay po natin. Siguro naman walang mali, nagmamahal ka lang naman. Ang mali kapag hindi ko muna kinilala,” aniya pa.

MA at PA
ni Rommel Placente

About Rommel Placente

Leave a Reply

Your email address will not be published. Required fields are marked *

*

Scroll To Top