Friday , March 29 2024

Sa Pulse Asia Survey: Cayetano, highest sa pagtaas ng rating

NAITALA ni House Speaker Alan Peter Cayetano ang pinakamataas na pagtalon ng approval at trust rating sa Pulse Asia Survey sa apat na pinakamatataas na opisyal ng bansa kabilang na dito si Pangulong Duterte   Vice President Leni Robre­do at Senate President Tito Sotto.

Ang survey ay isinagawa mula 3-8 Disyembre kasabay ng pagho-host ng Filipinas sa 30th Southeast Asian (SEA) Games. Tumaas ng 16% ang approval rating  ni Cayetano mula sa Pulse Asia Survey noong Setyembre at 14% naman ang itinaas ng trust rating ng Speaker of The House.

Ang aporoval rating ni Cayetano noong Se­tyem­bre ay 64% at ngayon ay tumalon sa 80% sa pinakahuling survey ng Pulse Asia. Tumalon sa 76% ang kanyang dating 62% trust rating. Bukod dito, bumaba rin ng 11% mula sa 29% hanggang 18% ang ‘undecided’ para kay Cayetano.

Parehong 12% ang itinaas ng approval rating ni Sotto at pareho rin 9% ang itinaas ng trust at approval rating ng pangu­lo.  Walong porsiyento ang itinaas ng approval rating ni VP Leni at 7% ang itinaas ng kanyang trust rating.

Kaugnay nito, pinasa­lamatan ni Cayetano sa isang pagtitipon ang mga kasapi ng kongreso at mga empleyado nito sa  sigasig at determinasyon  na matalakay at maipasa ang mga panukalang batas lalo ang priority measures ng Duterte administration.

Sa tala ng Rules Committee ng Kamara,  umabot sa 900 panukala ang iprinoseso ng kapulu­ngan mula buwan ng Hulyo hanggang ngayong Pasko sa ilalim ng pamu­nuan ni Cayetano.

Ayon kay Rules Committee Chairman Martin Romualdez, ito ay katumbas sa 28 panukala ka­da araw sa loob ng 32 araw na sesyon ng kamara. Dalawa rin ang ganap na naging batas kabilang ang pagtatatag ng Malasakit Centers at ang Pagpapaliban sa bara­ngay elections.

Nakatakda rin lag­daan ng pangulo bago matapos ang taon ang 2020 General Appro­priations, ang Sin Taxes at ang Salary Stan­dar­dization na naglalayong dagdagan ang sahod ng mga manggagawa sa gobyerno. Nasa 93 naman ang mga panukala na pinagtibay ng kamara sa 3rd o final reading.

Kabilang dito ang pagpapababa sa optional retirement ng mga kawani ng pamahalaan mula 60 pababa sa 56 anyos.

Matatandaang naita­la ni Cayetano noong Setyembre sa Pulse Asia ang pinakamataas na trust at approval ratings ng isang Speaker of the House sa kasaysayan ng Kongreso. Lalo pa itong lomobo ngayong Pasko dahil sa 16% at 14% at itinaas sa trust at approval ratings nito.

HATAW News Team

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *