Thursday , January 23 2020
Breaking News
You are here: Home / Hataw Lifestyle / Pinakabagong “The Tent” venue pinasinayaan
Pinakabagong “The Tent” venue pinasinayaan

Pinakabagong “The Tent” venue pinasinayaan

INILUNSAD nitong Huwe­bes ang inagurasyon ng pinakabagong tent venue sa C5 Extension Road sa Las Piñas City.

Panauhing pandangal si President Rodrigo Duterte sa inagurasyon ng The Tent sa Vista Global South.

Dumalo rin dito ang mga kasapi ng  Villar Family—dating  Senate President Manny Villar, Sen. Cynthia Villar, Vista Land CEO Paolo Villar, Public Works Sec. Mark Villar at Las Piñas Rep. Camille Villar.

Ang okasyon ay kasabay ng pagdiriwang ng kaarawan ni Manny Villar, dating Speaker of the House of Representatives at founding chairman ng Villar Social Institute for Poverty Alleviation and Governance (Villar SIPAG).

“We now have the biggest tent venue in the south of Metro Manila, which will be the new site of our yearly OFW and Family Summit and the most-awaited Parol Festival,” ayon kay Senator Villar, director ng Villar SIPAG.

Malayo sa traffic-congested areas sa Metro Manila, may kapasidad ang The Tent hanggang 5,000. Ito ang pinakabagong venue para sa personal o corporate events.

Fully air-conditioned ang 3,800 sqm espasyo  na may well-appointed guest lounge at back-of-house para sa event suppliers. Larawan ng makabagong elegance ang lobby design nito na nagbibigay ng “elevated tone at mood sa kahit anong okasyon.”

Ang The Tent ng Vista Global South ay may malawak na parking space at malapit sa kilalang landmarks gaya ng Vista Mall Global South, Mella Hotel, at Sanctuario de San Ezekiel Moreno.

Sampung minute ang layo ng The Tent ng Vista Global South sa Ninoy Aquino International Airport (NAIA) at accessible via NAIAX at Cavitex mula sa north maging sa Alabang Zapote Road at Bacoor Boulevard mula sa timog.

(NIÑO ACLAN)

About Niño Aclan

Leave a Reply

Your email address will not be published. Required fields are marked *

*

Scroll To Top