Saturday , January 18 2020
Breaking News
You are here: Home / News / May discrepancy pa sa Kamara at Senado… Pambansang budget aprobado sa Martes
May discrepancy pa sa Kamara at Senado… Pambansang budget aprobado sa Martes

May discrepancy pa sa Kamara at Senado… Pambansang budget aprobado sa Martes

AAPROBAHAN ng Kamara ang P4.1-trilyong pamban­sang budget sa Martes sa susunod na linggo.

Ayon kay House Com­mittee on Appropriations Chairman Isidro Ungab, tatapusin nila ang bicam sa 2020 budget sa Martes ng umaga para sa hapon ay maratipikahan na ito sa plenaryo ng dalawang kapu­lungan.

Sinabi ni Ungab na sini­sikap nilang makamit ang target sa mas maagang aprobasyon ng budget upang maisumite agad at mapapirma kay Pangulong Rodrigo Duterte.

Samantala, itinanggi ni Committee on Appro­priations Vice Chairman Joey Salceda na may mga problema pa sa final version ng pambansang pondo.

Matatandaan na unang sinabi ni Salceda na may pag­kakaiba sa inilaang pondo ng Kamara at Senado sa Department of Health (DOH), Department of Transportation (DOTr) at Department of Public Works and Highways (DPWH).

Magkakaiba ang pro­bisyon ng dalawang kapu­lungan ng Kongreso kaug­nay sa budget ng DOH na P88.92 bilyon ang alokasyon ng Kamara pero P100.49 bilyon naman sa Senado.

Ang DOTr naman ay binigyan ng pondo ng Kamara na P146.04 bilyon mas mataaas kompara sa P120.32 bilyon ng Senado habang sa DPWH naman ay binigyan ng mga kongre­sista ng P529.75 bilyon pero P536.58 bilyon naman sa mga senador.

(GERRY BALDO)

About Gerry Baldo

Leave a Reply

Your email address will not be published. Required fields are marked *

*

Scroll To Top