Monday , April 6 2020
Breaking News
You are here: Home / Showbiz / Nanay Lesing ni Kuya Boy, pumanaw sa edad 90
Nanay Lesing ni Kuya Boy, pumanaw sa edad 90

Nanay Lesing ni Kuya Boy, pumanaw sa edad 90

PUMANAW na ang ina ng award-winning TV host na si Boy Abunda  na si Licerna Capito Romerica AbundaNanay Lesing nitong Linggo, Dec. 1 sa edad na 90 dahil sa complications due to pneumonia.

Nakaburol ang labi ni Nanay Lesing sa Arlington Memorial Chapels sa Quezon City.

Sa pamamagitan ng Facebook, ipinaabot ng kampo ni Boy at ng kapatid nitong si Maria Fe Abunda, kongresista sa Eastern Samar ang pagluluksa ng kanilang pamilya.

Si Nanay Lesing ay matagal naging guro at naging konsehal ng Borongan (tatlong termino), 1995 -2004 at pagkaraan ay naging Vice-Mayor.

“Malungkot na ipinapabatid ng magkapatid na BOY at MARIA FE, kasama ng kanilang buong pamilya, na ang ina nilang si LICERNA CAPITA ROMERICA ABUNDA, ay pumanaw na noong December 1 ng kasalukuyang taon.”

Bago ito’y naikuwento na sa amin ni Kuya Boy, minsang nakausap namin siya sa cellphone, na matagal-tagal na ring nasa ospital ang kanyang ina. Na ayon sa ulat, may 67 araw sa ospital.

Araw-araw na binabantayan ni Kuya Boy ang kanyang ina na nang malagutan ng hininga’y yakap-yakap ng magaling na host.

Alam nating sentro ng buhay ni Kuya Boy ang kanyang ina. ”She’s the center of my life and I hope she’s not suffering. ‘Yun lang naman ang gusto ko sa nanay. She’s turning 91 in January, huwag lang masaktan.

“I am grateful in both joy and pain. Grateful because kahit nasasaktan ako, I’m being given the chance by God to be the best mother to my mother and I’m being able to say thank you to her.

“I will be honest, I don’t know how I’m going to live my life without the presence of my mother. Pero katulad ng maraming sugal sa buhay ko, susuungin ko, because that’s the only way.”

Ngayong araw, Dec. 4 ang huling gabi ng lamay ni Nanay Lesing.

Kay Kuya Boy at kay Ate Maria Fe, ipinahahatid  namin ang buong pusong pakikiramay.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top