Tuesday , March 19 2024
Vice Ganda Ion Perez

Ion’s pronouncements of love to Vice Ganda, nakatutulili na

GASGAS na ang pamosong linyang madalas nating marinig mula sa bibig ng mga artistang pinagdududahang may relasyon.

Ang “We’re just friends” ay katumbas ng mas malalim-lalim na katagang “What you see is what you get.”

Literal ang ibig sabihin nito, ang nakikita ng publiko ay sapat na para masabing may “something” na nagaganap sa kanila kahit hindi pa nila ihayag ito sa buong mundo.

Such is the case of Vice Ganda and Ion Perez (o Kuya Escort kung tawagin).

Wala silang inaamin tungkol sa kanilang relasyon, pero kabaligtaran naman ang nakikita ng balana sa mga sinasabi nila.

For the most part, parang si Ion—between the two of them—ang mas madalas magkanulo sa kanila. Maybe, siya ang mas accessible sa dalawa.

Ang latest interview sa kanya na isinagawa ni Ogie Diaz (dating manager ni Vice Ganda) ay naganap sa loob ng van ng TV host-comedian. Wala si Vice Ganda ng mga oras na ‘yon dahil nakasalang sa pagho-host ng It’s Showtime.

Bagama’t may mga bagong insights o rebelasyong ibinahagi si Ion tungkol sa kanyang family background (15 pala silang magkakapatid) ay wala nang bago.

For the nth time ay ipinangalandakan ni Ion ang malinis niyang hangarin kay Vice Ganda. By malinis, we mean na hindi pera ng komedyante ang habol niya kung kaya’t nakipagrelasyon siya rito.

Pagpapakasal at pagkakaroon ng anak (sa anumang paraan) ang nadagdag sa panayam na ‘yon, which boils down to building a family in the future nang sila pa rin ang magkasama sa buhay.

Ang unang-una siyempreng kinikilig sa matatamis na salitang ‘yon ay walang iba kundi si Vice Ganda followed by his family and friends na wala namang hinangad kundi matagpuan nito ang lalaking seryoso’t tunay na magmamahal sa kanya.

‘Yun nga lang, Ion’s pronouncements ay walang inilayo sa taong paulit-ulit na humihingi ng sorry sa taong nasaktan o nadehado niya sa anupamang pagkakataon.

Ang salitang sorry, na paulit-ulit binibigkas, ay nawawalan ng sensiridad. Tama na ang isa o makatlong beses siguro, pero higit pa roon ay OA na.

Kapareho lang ng kasong ito ang walang ipinagbagong bersiyon o paraan ni Ion para patunayan sa buong mundo kung gaano siya katapat sa kanyang hangarin kay Vice Gnda.

Narinig na namin ‘yan, baka isang libong beses na. Mayado namang perpekto at walang bahid ni katiting na mantsa ang damdamin niya para sa komedyante.

What seems too perfect is good to be true. Bagay na mahirap nang paniwalaan sa isang uri ng relasyong mayroon sila.

Nasabi na ni Ion once or twice or thrice, tama na. OA na. Nakakakulili na ng tenga.

HOT, AW!
ni Ronnie Carrasco III

About Ronnie Carrasco III

Check Also

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Rio Locsin Ruru Madrid

Rio sa wagas na paghagulgol — ‘di ako makabitaw sa napakataas na emosyon

RATED Rni Rommel Gonzales NAGBIGAY ng paglilinaw si Rio Locsin tungkol sa nag-viral niyang video na wagas …

Jeric Gonzales Rabiya Mateo

Rabiya handang ipaglaban si Jeric, deadma sa mga negang balita

MA at PAni Rommel Placente KUNG ang ibang showbiz couples ay inaalam ang password ng …

Leave a Reply

Your email address will not be published. Required fields are marked *