Saturday , January 18 2020
Breaking News
You are here: Home / Showbiz / Paggawa sana ng pelikula ni Ate Vi bago matapos ang taon, naudlot na naman
Paggawa sana ng pelikula ni Ate Vi bago matapos ang taon, naudlot na naman

Paggawa sana ng pelikula ni Ate Vi bago matapos ang taon, naudlot na naman

PANAY ang hiling ng mga Vilmanian. May sumusulat. May nagte-text. May mga nagco-comment sa social media pero iisa ang kanilang sinasabi, “Ate Vi sana gumawa ka na ng pelikula.”

Saglit lang natigil iyon, nang mismong si Ate Vi ang nagsabing gusto niyang gumawa kahit na isang pelikula lamang bago matapos ang taong ito, dahil alam naman niya ang kahilingan ng fans at saka matagal na rin naman siyang hindi gumagawa ng pelikula talaga. Kaso, natambakan naman siya ng napakaraming bagay na kailangang asikasuhin at nawalan na naman siya ng panahong basahin man lang ang mga script ng mga proyektong iniaalok sa kanya.

Ang dami na ngang scripts eh, kaya nasasabi rin ni Ate Vi, “nahihiya na nga ako sa mga nagpapadala ng project proposals eh, pero problema ko talaga ang panahon. Isa pa, at inaamin ko naman iyan, hindi na ako bata at hindi ko na kayang gawin ang klase ng trabahong ginagawa ko noong talagang full time akong artista. Minsan iniisip ko rin, baka unfair sa mga producer kung tatagal ang shooting dahil sa schedule ko.

“I just hope dagdagan pa ng Vilmanians ang pasensiya nila. Alam ko naman kung ano ang gusto nila. Nakakarating sa akin lahat iyon. Natutuwa rin ako na kahit na wala akong showbiz activity, nagkikita-kita pa rin sila. Nagtutulungan sila. After all iyon naman ang goal, nagiging mabuting magkakaibigan sila. Halos parang magkakapatid na, at nariyan sila hindi lang naman para humanga sa akin,” sabi ni Ate Vi.

Pero sinisiguro pa rin naman ng congresswoman ng Lipa na gagawa siya ng pelikula.

“I hope soon, pero ayoko nang mangako kung kailan. Kung ako ang tatanungin, gusto ko nga ngayon na, kaso iyong schedule talaga ang problema. Hindi ko rin naman mai-commit ang sarili ko sa sobrang trabaho. Alam ko kailangan na rin naman akong mag-slow down,” sabi pa ni Ate Vi.

HATAWAN
ni Ed de Leon

 

About Ed de Leon

Leave a Reply

Your email address will not be published. Required fields are marked *

*

Scroll To Top