Sunday , March 7 2021
Breaking News
You are here: Home / Showbiz / Teri Onor, nakaantabay sa medical needs ng kapwa stand-up comedians
Teri Onor, nakaantabay sa medical needs ng kapwa stand-up comedians

Teri Onor, nakaantabay sa medical needs ng kapwa stand-up comedians

ANG totoong kawanggawa raw sa kapwa ay hindi ipinagmamakaingay.

Nito lang kasi namin nabalitaan na may foundation (hindi sa fez, ha?) palang itinatag ang komedyante-politikong si Teri Onor na ang mga benepisyaryo ay mga kapwa niya stand-up comedians.

Sa pagtatanghal sa mga comedy bar nagsimula si Teri na tulad ng marami’y nabigyan ng break sa showbiz nang magkapangalan na.

Ramdam ni Teri ang buhay ng isang stand-up comedian na kumakayod kung kailan himbing nang natutulog ang mga tao. Sa gabi kasi hanggang madaling araw ang kanilang trabaho.

Hindi sapat ang bawat gabing set sa isang comedy bar, na ang nagsisilbing bonus o extra income nalang ay tip na nagmumula sa mga bukas-palad na kostumer na natutuwa sa kanilang performance sa entablado.

Dahil hindi naman sila mga empleado kung kaya’t wala silang regular benefits o may health coverage. Sila mismo ang lalakad nito.

Rito na pumapasok si Teri na isang text o tawag lang sa kanya’y nakaantabay ang kanyang tulong para tugunan ang medical needs ng mga abang stand-up comedians.

Kapuri-puri.

HOT, AW!
ni Ronnie Carrasco III

About Ronnie Carrasco III

Leave a Reply

Your email address will not be published. Required fields are marked *

*

Scroll To Top