Monday , December 9 2019
Breaking News
You are here: Home / News / P5.7-M shabu nakuha sa 3 tulak sa Maynila
P5.7-M shabu nakuha sa 3 tulak sa Maynila

P5.7-M shabu nakuha sa 3 tulak sa Maynila

ARESTADO ang tatlong drug personalities kabi­lang ang isang babae sa buy bust operation kaha­pon ng madaling araw sa Tondo, Maynila.

Nasabat mula sa suspek na sina Anowar Mocamad, Tato Amiril, at Fatima Garcia, ang P5.7 milyong halaga ng shabu o katumbas ng 850 grams, buy bust money na P16,000 at tatlong cellphones.

Ayon kay MPD director P/BGen. Bernabe Balba, mula sa Mindanao ang mga suspek na kilalang mga kilabot na tulak ng ilegal na droga.

Responsable umano ang mga suspek sa pakikipagtransaksiyon ng droga sa iba’t ibang lugar sa Metro Manila kabilang ang Maynila.

Matagal na rin uma­nong minaman­manan ang mga suspek hanggang ikasa ang buy bust operation na nagresulta ng pagkakadakip sa kanila sa isang parking area sa Simoun de Jesus St., Barangay 125, Balut, Tondo.

Mahaharap sa pagla­bag sa Comprehensive Dangerous Drugs Act of 2002 ang tatlo.

About hataw tabloid

Leave a Reply

Your email address will not be published. Required fields are marked *

*

Scroll To Top