Monday , December 9 2019
Breaking News
You are here: Home / News / Misis nilait sa publiko mister kalaboso
Misis nilait sa publiko mister kalaboso

Misis nilait sa publiko mister kalaboso

KULONG ang isang truck driver matapos laitin at  akusahang nanlalalaki, sa harap ng publiko at ti­nang­ka pang hampasin ng helmet sa ulo ang kanyang kinakasama sa Malabon City.

Kasong paglabag sa Republic Act 9262 o Violence Against Women and their Children’s Act ang isinampa ng pulisya laban sa suspek na kinilalang si Roderick Santos, 46 anyos.

Sa imbestigasyon ni P/SSgt. Diana Palmones ng Malabon Police Women and Children Protection Desk (WCPD), dakong 10:00 pm, sinundo ni Santos ang kinakasamang itinago sa pangalang Shella, 36 anyos, factory worker, sa pinagtatrabahuang pabrika sa Atis Road, Brgy. Potrero, kasama ang maliit nilang anak sakay ng isang motorsiklo.

Nang lumabas ng pabrika ang ginang, agad sinigawan ng lalaki at inakusahan na nangmanyak ng lalaki sa loob ng pabrika.

Pinagsabihan umano ng suspek ang kinakasama na mahilig sa sex, na naririnig ng mga nakapaligid na tao sa lugar, at napuna ang ginagawang eskandalo ng lalaki.

Dahil sa hiya, hindi na lang kumibo ang babae, kaya’t  lalo pang nagsisigaw ang lalaki at tinangka pang ihampas sa mukha ng ginang ang hawak na helmet.

Dito na humingi ng tulong ang biktima sa barangay tanod na nagresulta sa pagkakadakip kay Santos. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top