Friday , December 13 2019
Breaking News
You are here: Home / Showbiz / Lassy Marquez, thankful kay Ogie Diaz dahil nakapagbida sa Two Love You
Lassy Marquez, thankful kay Ogie Diaz dahil nakapagbida sa Two Love You

Lassy Marquez, thankful kay Ogie Diaz dahil nakapagbida sa Two Love You

NAG-START si Lassy Marquez sa paggawa ng pelikula kasama si Vice Ganda noong 2011. Dito’y sidekick siya kadalasan ni Vice, pero sa pelikulang Two Love You na showing na ngayong araw (Nov. 13), bida na si Lassy.

Ano ang feeling na bida na siya?

Sagot ni Lassy, “Kinakabahan talaga ako, as in sobrang kaba, sobrang nape-pressure talaga ako… hindi ko alam, e. Kasi kung tutuusin ay napakadali lang mag-support lalo na kapag ang bida mo ay malakas. E ako, baguhan pa lang po ako sa pagiging bida, first time ko, launching po kumbaga.

“So, magkahalong kaba at takot at halong saya… so inisip ko na lang na it’s a blessing talaga. Na it’s time na rin siguro na masubukan ko… kasi, bago ka man lang tu­man­da ay mara­nasan ko naman ito.”

Idinaraandaw ni Lassy sa dasal para maging ma­ta­gumpay ang kanilang pelikula.

“Sobra, sobra akong nagdarasal, kahit ako lang mag-isa, nagdarasal ako. Kung nasaan man ako, maya’t maya, pray lang ako nang pray na maging successful talaga itong movie namin.”

Paano napunta sa kanya ang role niya rito? “Si Kuya Ogie (Diaz) po ang nakaisip nito, kasi nakikita nila na parang bagay daw sa akin iyong role. Noong una, parang ayaw ko nga, dahil kinakabahan ako. Pero napilit nila ako talaga nang bongga,” nakangiting saad ng mahusay na komedyante.

Ano ang message niya kay Ogie na producer ng pelikulang ito? “Unang-una ay nagpapasalamat ako kay Lord sa lahat ng biyayang ibinibigay Niya sa akin at sa pamilya ko. And thank you so much po sa naging instru­mento sa amin, si Kuya Ogie, para gawin ang peliku­lang ito at mapa­sali ako sa isang napakagandang project na tulad nito.”

Inusisa rin namin ang role niya sa pelikula. “Ako si Reggie rito, na sa totong buhay ay panga­lan ko iyon talaga — isa ako rito sa mga kumupkop sa lahat ng mga taong nakapaligid sa akin, bale ako iyong kuya ng lahat.

“Love triangle kami rito nina Yen at Kid at doon mo malalaman kung bakit ganoon ang title ng pelikula — na kaya Two Love You, dahil ‘yung isang tao na nagmahal ng dalawa, may isang tao na nagmahal ulit ng dalawa, at may isang taong nagmahal din ng dalawa,” nakangiting sambit pa ni Lassy.

Tampok din sa Two Love You sina Yen Santos, Kid Yambao, MC Calaquian, Arlene Muhlach, Dyosa Pockoh, Marissa Sanchez, Elaine Yu, at iba pa. Mula sa direksiyon ni Benedict Mique, showing na ito ngayong Nov. 13, 2019.

ALAM MO NA!
ni Nonie Nicasio

 

About Nonie Nicasio

Leave a Reply

Your email address will not be published. Required fields are marked *

*

Scroll To Top