Saturday , August 15 2020
Breaking News
You are here: Home / Showbiz / Arjo, aminadong ‘di s’ya okey sa halikan nina Carlo at Maine
Arjo, aminadong ‘di s’ya okey sa halikan nina Carlo at Maine

Arjo, aminadong ‘di s’ya okey sa halikan nina Carlo at Maine

PAGKATAPOS ng presscon ng Bagman Season 2 ay inamin ni Arjo Atayde na sinuportahan niya ang pelikula ni Maine Mendoza na Isa Pa with Feelings at humanga siya sa mahusay na pag-arte ng katipan.

“She improved so well at kung anuman po ‘yung hiningi niyang comment ko, sa amin na lang po yun,” sambit ng binata.

Anong eksena ang gusto ni Arjo sa pelikula?

“Ang gusto kong eksena at paborito ko ay ‘yung nag-sorry siya, ‘yung pinaka-unang eksena, nagso-sorry siya kay Carlo (Aquino) na hindi pa sila magkakilala na bigla siyang nag-breakdown. I don’t know it just so real, ‘yun ang pinaka-tumatak sa akin na eksena niya,” sabi ng aktor.

At dahil may kissing scene sina Carlo Aquino at Maine ay hiningan namin ng reaksiyon o nagselos ba si Arjo?

“I’ve watched it, I’m just a human being, I’m a guy, I don’t want it, I don’t wanna see it, but it’s part of her (sa pelikula), you know.  Pero walang selos. But I don’t think any person would be okay seeing anyone kissing like that, pero it’s part of her, I’m being honest. It’s not okay with, but it’s part of her so yeah, it’s okay,“ diretsong amin nito.

Anyway, ang matagal nang inaabangang Bagman Season 2 ay mapapanood na sa Miyerkoles, Nobyembre 13 sa iWant handog ng Dreamscape Digital Entertainment at Rein Entertainment na isinulat at idinirehe ni Shugo Praico.

Inspired by true events ang kuwento nito pero walang partikular na taong binanggit kung sino, ayon pa sa direktor.

Tinanong namin si Arjo kung mabait siyang governor sa season 2 o minana niya ang ugali ng dating gobernador na corrupt at maraming pinapapatay, “He’s trying to make a difference, the governor is trying to make difference of what is there, what is in front of him, the reality. Kung ano ang nakasanayan niya, susubukan niyang baguhin. Kung masama man ang isang tao, kailangang intindihin dahil mayroon siyang rason at kung anuman ‘yun, puwedeng pamilya, puwedeng pera, puwedeng mas malalim pa,” paliwanag ni Arjo.

Ngayong gabi Martes gaganapin ang celebrity screening ng Bagman 2 sa Santolan Town Plaza, 6:00 p.m..

Ang iba pang kasama sa Bagman 2 ay sina Irma Adlawan, Rez Cortez, Joel Saracho, Mon Confiado, Rollie Inocencio, Menggie Cobarrubias, Chanel Latorre, at Rosanna Roces.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top