Friday , March 29 2024

Vendors tablado kay Yorme Isko ngayong Pasko

TALIWAS sa nakasa­nayan tuwing Pasko na naglipana ang vendors sa buong lungsod ng Maynila, tiniyak ni Manila Mayor Francisco “Isko Moreno” Doma­go­­so na mananatiling zero vendors ang main thoroughfares ng May­nila partikular sa Divisoria.

Seryosong pahayag ni Isko, “tapos na ang maliligayang araw na ang mga vendor ay ‘panginoon’ sa mga kalsada sa Maynila.”

“Nakagawian na kasi ‘yan. ‘Pag panahon ng Kapaskuhan, lahat ng kalsada puno ng vendors. Ang katu­wiran, tutal Pasko na­man.  Tapos alam n’yo na kung ano ang kapa­lit,” ayon kay Moreno.

Ani Moreno, hindi biro ang ginawang paglili­nis ng lokal na pama­halaan ng Maynila sa mga vendor para maibalik ang kalsada sa mga motorista at pedestrians.

“We have to consider the greater good of the greater majority — the pedestrians, commuters, motorists and residents of Manila in general — who are adversely affected by the lack of roads they could traverse or walk on. These roads are beyond the commerce of men,” dagdag ni Mayor Isko.

Matatandaan, kabi­lang sa mga unang direktiba ni Moreno ang clearing ng mga vendor na umookupa ng major roads sa Divisoria gaya ng C.M. Recto Ave., Juan Luna, Soler, Blumentritt, at Carriedo streets.

Ang hakbang na ginawa ni Moreno ay pinuri ng mga moto­rista at publiko at nawa­la rin ang cutting trips ng biyahe ng mga jeep.

Matatandaan, ang Divisoria ay dinarayo tuwing Ber months upang  mamili ng mu­rang pamasko at pan­regalo sa pasko.

Suportado ni Manila Police District (MPD) Director P/BGen. Joel Bernabe Balba ang programa ni Mayor Isko sa pamama­gitan ng mahigpit na utos kay MPD PS11 commander P/Lt. Col. Andrew Aguirre na ipatupad ang kautusan ni Moreno na naaayon sa tama at nang walang paglabag sa karapatang pantao.

(BRIAN BILASANO)

About Brian Bilasano

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *