Thursday , November 14 2019
Breaking News
You are here: Home / Opinion / Raket sa BI Warden Facility tuloy pa rin!
Raket sa BI Warden Facility tuloy pa rin!

Raket sa BI Warden Facility tuloy pa rin!

MATAPOS ang ating nakaraang expose tungkol sa matinding pamemera ng mga opisyal diyan sa Bureau of Immigration (BI) Warden Facility sa Bicutan ay dumami pa ang sumbong na ating natanggap.

Wala naman daw nabago o naging improvement pagdating sa kalakaran sa naturang pasilidad. Sa halip ay lalo pa raw itong lumala!

Sonabagan!

Dati umano ay nagkaroon ng raid pero noong panahon ni Warden Niño Oliver Dato ay hinintay lang ng bagong nakaupong warden na makabisado niya ang sistema ng pamimitsa?

WTF!

Bukod sa pinapayagang paggamit ng cellphones para sa mga handang magbayad, tuloy pa rin daw ang tila grocery store o tiangge na bentahan ng mga alak, sigarilyo, at mga pagkain na umaabot sa 3x ang presyo.

Para rin daw umuupa ng tarima ang mga preso na gustong mabigyan ng maayos na puwestong tutulugan.

Ang matindi paumano, kung talagang big time ang bagong preso pati paggamit ng CR ay pinagbabayad din?

Grabeh!

‘Di kaya magkaroon din ng sariling bersiyon na ‘ala-GCTA’ ang sistema riyan sa BI Warden Facility pagdating ng araw?

Aba’y hindi malayo! Baka mas matindi pa!

Sa huhusay kumopya ng sistema ng mga tao riyan, baka ngayon pa lang ay pinag-aaralan na ng ilang opisyal kung paano nila ito ikakamada.

By the way, gaano katotoo ang balita na ang pinakamayores umano ng BI Detention Center na isang negrong foreigner ay nakapaglalabas-pasok sa kulungan?

Marami raw ang nakapapansin sa mga dalaw na ang nasabing mayores ay lumalapit pa sa ibang bisita at nakikipag-usap.

Para palang politiko ang kolokoy!

Nagaganap daw ito sa mismong labas ng opisina ng BI-WFU?!

Hindi rin kaya ume-epal na negosyador sa mga bagong kulong na preso?

Hindi malayong mangyari!

‘Yun kayang medical pass na ina-apply ng mga gustong magpaospital baka naman pati ‘yun ay may presyo rin?

Any comments on these, BI-WFU Warden Madam Mariecar Caguiron!?

 

MADAM VP LENI
DDB DAPAT TUTUKAN
BILANG DRUG CZAR

SA wakas ay tinanggap na rin ni Madam Vice President Leni Robredo ang inialok na drug czar posisyon ni Pangulong Rodrigo Duterte.

Si Madam Leni bilang Drug Czar ay may posisyong co-chair ng  Inter-Agency Committee on Anti-Illegal Drugs (ICAD).

Isa sa mga gustong tutukan ni Madam Leni ay baklasin sa ‘marahas na kampanya’ ang drug war ng gobyerno.

Kaya naman magtutuon siya sa mga pro­gramang magbibigay ng bagong pag-asa sa mga lulong sa droga habang ang mga mahuhuling tulak, supplier at courier ay mahigpit na baban­tayan upang maisulong ang prosekusyon sa korte.

Ang inyong lingkod, bilang isang anti-illegal drugs advocate ay nais magmungkahi sa bise presidente na isa sa dapat tutukan ang Dangerous Drug Board (DDB).

Ito po kasi ang ahensiya ng pamahalaan na nakatutok bilang policy maker sa mga pro­grama ng gobyerno na nakatuon kung paano maililigtas ang ating bansa sa salot na dulot ng ilegal na droga.

Kung tutuusin, nasa DDB ang bulto ng pondo kompara sa Philippine Drug Enforcement Agency (PDEA) pero ang nakapagtataka hindi sila maramdaman ng sambayanan.

Lalong hindi maramdaman ang suporta ng DDB sa isinusulong na anti-illegal drug war ni Pangulong Digong.

Ano ang ginagawa ng DDB sa isinusulong na programa ng gobyerno para labanan ang salot na ilegal na droga?!

Supposedly, isa sa mga trabaho ng DDB ay bumuo ng ‘matalinong formula’ kung paano paliliitin ang ‘demand’ kontra ‘supply’ ng ilegal na drogang pumapasok sa bansa.

Katunayan para maging ‘matalino’ sila sa paglikha ng ‘mahuhusay na programa’ laban sa ilegal na droga ay madalas silang nasa biyahe, junkets, at conferences sa iba’t ibang bansa para higit na patalasin ang kanilang isip at mga kaalaman…

Malaki po ang gastos ng DDB sa mga aktibi­dad na ‘yan. Biyahe, junkets, and conferences, all expenses paid by the agency.

Pero sad to say Madam Leni, hindi nararam­daman ng sambayanan at ng mga katuwang na ahensiya sa ICAD ang function ng DDB.

Ngayong kayo na ang kinikilalang drug czar, malamang ay hindi na masasabi ng DDB na ang anti-illegal drug war ng pamahalaan ay nakatutok sa pisikal na eliminasyon ng mga taong sangkot dito, user man o pusher, kundi nasa mas mataas na antas ng pakikipaglaban kung paano paliliitin ang ‘demand’ kontra ‘supply’ ng ilegal na drogang pumapasok sa bansa.

Umaasa tayo na ang programa ni Madam VP Leni ay hindi lang formula ng ‘tokhang’ at ‘double barrel reloaded.’

Padayon, Madam VP Leni!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top