Thursday , November 14 2019
Breaking News
You are here: Home / Bulabugin / Joint venture ng LWUA at Prime Water pahirap sa consumers
Joint venture ng LWUA at Prime Water pahirap sa consumers

Joint venture ng LWUA at Prime Water pahirap sa consumers

HANGGANG ngayon maraming consumers ang nagtataka kung bakit pumayag ang Local Water Utilities Admninistration (LWUA) na makipag-joint venture sa Prime Water.

Kamakailan, nagulat tayo na hanggang Naga ay nakapasok na pala ang Prime Water.

Kung dati ay sa Cavite, Meycauayan, Marilao, Malolos, San Jose del Monte City, Amadeo, Cavite, Tayabas, Lucena City, at iba pang bayan na dati ay nasa ilalim ng LWUA, ngayon ay unti-unting lumalawak at humahaba ang mga bayan na napapasok ng Prime Water.

Bilang consumer, ang concern lang natin dito, tinatanggap natin ang joint venture ng isang private company kung nakatutulong ito sa pagpapaganda at higit na pagsasaayos ng buhay pero kung kitang-kita na ang joint venture ay naglilingkod lang sa interes ng private company gaya ng Prime Water mas mabuti pang ibasura na ito.

Sa totoo lang, nang pumasok ang Prime Water sa LWUA, dumami ang reklamo ng consumers.

Hindi lang tuloy-tuloy na serbisyo ng tubig ang nawala sa kanila kundi tumaas pa ang babayaran nila.

Kung dati’y wala silang binabayarang minimum bill katumbas ng 10 cubic meter ngayon ay nagbabayad ng P223 para rito ang bawat household, nagagamit man o hindi ang serbisyo nito.

Pero ang higit na nakaiinis sa pagpasok ng Prime Water sa LWUA, imbes maging malinis ang tubig ay nagkulay-putik at nag-amoy septic tank.

Bakit?!

Maraming reklamo na ang natatanggap laban sa Prime Water pero nakapagtataka na parang nagtataingang kawali lang ang LWUA.

Ang Prime Water at pag-aari ng pamilya nina dating Senate President Manny Villar at kasalukuyang Senator Cynthia Villar, isa sa pinakamayayamang pamilya sa buong Filipinas.

Mukhang darating ang panahon na ang lahat ng batayang pangangailangan natin gaya ng tubig ay makokontrol na ng mga pribadong kompanya na pag-aari ng mga burgesya komprador imbes mga ahensiya ng pamahalaan ang mangalaga rito. 

Kung mahalaga ang tubig sa lahat ng mamamayan, ‘ginto’ ito sa pamilya Villar.

Tsk tsk tsk…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top