Monday , November 18 2019
Breaking News
You are here: Home / News / 9 sangkot sa droga timbog sa buybust
9 sangkot sa droga timbog sa buybust

9 sangkot sa droga timbog sa buybust

ARESTADO ang siyam katao na nasa drug watch­list ng pulisya sa isinagawang magka­hiwalay na buy bust operation ng mga pulis sa Valenzuela City, kama­kalawa ng gabi.

Batay sa ulat ni  P/SSgt. Carlos Erasquin, Jr., dakong 11:30 pm nang isagawa ng mga operatiba ng Valenzuela Police Station Drug Enforcement Unit (SDEU) ang buy bust operation sa bahay ng suspek na kinilalang si John Sese, alyas Adiong, 34 anyos, residente sa Pitacion St., Elysian Subd., Brgy. Marulas.

Nagawang makaiskor ni P/Cpl. Arvin Lirag na nagpanggap na poseur-buyer ng isang sachet ng shabu sa suspek kapalit ng P200 marked money at nang magbigay ng signal na nagkaabutan na, agad sumugod ang back-up na mga operatiba saka sinunggaban si Sese, kasama si Nicanora Tem­blique, alyas Nica, 29 anyos, barista.

Narekober kay Sese ang isang coin purse na naglalaman ng 14 plastic sachets ng shabu, buy bust money, P400 cash at maliit na timbangan.

Natimbog din si Melvin Cabuyao, 30, at Jestoni Salayong, 32, flagman, matapos maku­haan ng tig-isang sachet ng shabu.

Samantala, nasakote rin ng mga operatiba ng SDEU Team 4 sa buy bust operation sa Block 2 Lot 16 De Gula Compound, Gen. T. De Leon, dakong 11:30 pm si John Michael Ogsimer, alyas Kamote, 26 anyos, Adrian Nonato, 20 anyos, Rody Ogsimer, 53 anyos, Darwin Maca­alay, 37 anyos, at Rene­mar Agag, 40.

Nakompiska sa mga suspek ang isang plastic sachet ng shabu, at isang nakabukas na sachet ng shabu, P300 buy bust money, P200 cash at ilang drug paraphernalia.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top