Monday , March 30 2020
Breaking News
You are here: Home / News / 2 estudyante nalunod sa maputik na quarry
2 estudyante nalunod sa maputik na quarry

2 estudyante nalunod sa maputik na quarry

NALUNOD sa maputik na quarry site ang dalawang batang babae matapos itulak sa malalim na hukay ng hindi kilalang suspek sa Brgy. Guyong, sa bayan ng Sta. Maria, sa lalawigan ng Bulacan kahapon, 29 Oktubre.

Wala nang buhay nang matagpuan sa maputik na hukay ang mga biktimang kinilalang sina Nicole Samantha Saire, 9 anyos, Grade 4 pupil; at Angelyn Badilis, 9 anyos, Grade 3 pupil, kapwa naninirahan sa Phase 7 Las Palmas, Brgy. Guyong, sa naturang bayan.

Sa nakalap na impormasyon, nabatid na naglalaro ang dalawang biktima nang maisipang dumako sa isang quarry site na malapit sa kanilang lugar.

Sinasabi ng ilang nakasaksi na habang nakatayo sa gilid ng quarry site na may malalim na hukay at puno ng tubig ay biglang may tumulak sa dalawang bata.

Dahil hindi marunong lumangoy at puro putik ang tubig sa hukay ng quarry, nahirapang umahon hanggang tuluyang malunod ang dalawang biktima.

Ilang oras bago pa natagpuan ng rescue team ang bangkay ng dalawang bata, samantala pinaghahanap at inaalam ng mga awtoridad kung sino ang tumulak sa mga biktima na naging sanhi ng kanilang kamatayan.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top